منگل , 7 جولائی 2020

ترکی، اپوزیشن جماعتوں نے ریفرنڈم کے نتائج کو چیلنج کر دیا

انقرہ (مانیٹرنگ ڈیسک )ترکی کی دو اہم اپوزیشن جماعتوں نے ریفرنڈم کے نتائج کو چیلنج کرنے کا اعلان کیا ہے۔ذرائع کے مطابق ری پبلکن پیپلزپارٹی اور پیپلز ڈیموکریٹک پارٹی نے کہا ہے کہ وہ آئین میں تبدیلی کی غرض سے کرائے جانے والے ریفرنڈم کے نتائج کو چیلنج کرے گی۔اپوزیشن کی سب سے بڑی جماعت ری پبلکن پیپلز پارٹی کے ڈپٹی چیئرمین نے الزام لگایا ہے کہ ملک کے بعض علاقوں میں لوگوں کو آزادانہ طریقے سے ووٹ ڈالنے کا موقع ہی نہیں دیا گیا۔

انہوں نے کہا کہ بعض علاقوں میں بغیر مہر والے بیلٹ پیپر فراہم کئے گئے ہیں جو قابل غور ہے۔ ترکی کے چیف الیکشن کمیشن نے ریفرنڈم کے حوالے سے اپوزیشن کے اعتراض کو مسترد کردیا ہے۔ انہوں نے کہا کہ بغیر مہر والے بیلٹ پیپروں کی فراہمی کا فیصلہ پہلے کرلیا گیا تھا اور اس سے پہلے انتخابات میں بھی ایسے بیلٹ پیپر استعمال ہوتے رہے ہیں۔ قابل ذکر ہے کہ ریفرنڈم کے تنائج کے اعلان کے موقع پر دارالحکومت انقرہ اور استنبول میں حکومت کے حامیوں اور مخالفین میں جھڑپیں بھی ہوئی ہیں۔

یہ بھی دیکھیں

امریکا میں کورونا وائرس کے خوفناک پھیلاو کے ذمہ دار ٹرمپ ہے؛گورنر نیویارک

واشنگٹن: نیویارک کے گورنر نے اپنی پریس کانفرنس میں کورونا وائرس کے مقابلے میں ٹرمپ …