بدھ , 21 اگست 2019

ترکی نے اخوان المسلمین کو اقتدار دلانے کی یقین دہانی

انقرہ (مانیٹرنگ ڈیسک )ترک صدر اردگان نے کہا کہ ترکی اخوان المسلمین کو عالم اسلام اور خاص طور پر مصر اور اردن میں حکومت دلانے میں ہر ممکن کوشش کریگا۔اخوان المسلمین کے دفتر کے صدر احمد عبدالرحمن نے ہفتہ کے دن 25 رجب 1438 هـ کو اخوان المسلمین کے وفد کی ترکی کے صدر سے ملاقات کی خبر دی ہے۔یہ اجلاس 16 اپریل کے ریفرنڈم میں اردوغان کی فتح پر ان کو مبارکباد دینے کے لیے منعقد کیا گیا تھا۔

احمد عبدالرحمن کے مطابق اردگان نے اخوان المسلمین کو ایک نظریاتی گروہ کہا اور مصر میں ان کی ہر طرح کی حمایت کرنے کی یقین دہانی کروائی ہے۔عبدالرحمن نے ترک صدر کے حوالے سے خبر دی ہے کہ ان کے کہنے کے مطابق، مصر میں اخوان المسلمین کی شکست کے بعد ترکی ان کی سیاسی، معاشی اور معنوی مدد کریگا۔

احمد عبدالرحمن اور اس وفد کے درمیان ٹیلیفونک رابطے کے مطابق اردوغان نے کہا ہے کہ: ترکی اخوان المسلمین کو عالم اسلام اور خاص طور پر مصر اور اردن میں حکومت دلانے میں ہر ممکن کوشش کرے گا۔

یہ بھی دیکھیں

مسجد اقصیٰ پر اسرائیلی دھاوے کھلی اشتعال انگیزی ہے:کویت

کویت سٹی (مانیٹرنگ ڈیسک)کویت نے مسجد اقصیٰ پریہودی آباد کاروں کے منظم دھاووں کی شدید …