جمعرات , 14 دسمبر 2017

کشمیر کے مسئلے کا ہمیشہ کے لیے حل نکالیں گے، راج ناتھ

نئی دہلی(مانیٹرنگ ڈیسک ) بھارتی حکومت نے کہا ہے کہ کشمیرپر سفارتی اور سیکیورٹی سطح پرایک طریقہ کار پرکام ہورہا ہے مسئلے کا ہمیشہ ہمیشہ کیلیے حل نکالیں گے۔

نجی ٹی وی کو انٹرویو دیتے ہوئے بھارتی وزیرداخلہ راج ناتھ نے کہا کہ محض دفعہ 370 کی منسوخی سے 70سالہ پرانا کشمیر مسئلہ حل نہیں ہو گا۔کشمیر میں جاری صورتحال مرکزی حکومت کیلئے ایک بڑا چیلنج ہے۔ انھوں نے کہاکہ ہمیں یہ چیلنج ملا ہے ہم اس کو قبول کرتے ہیں، انھوں نے کہا کہ میں یہاں پرکشمیر میں جاری صورتحال سے نمٹنے کیلیے کیے گئےاقدامات کا خلاصہ نہیں کرسکتا۔

بھارتی وزیر داخلہ نے کہا کہ آپ لوگ وزیر اعظم نریندر مودی کی سربراہی والی سرکار پر بھروسہ رکھیں۔ موجودہ وزیر اعظم طاقتور ہیں، حکومت کشمیر میں ساری مشکلات کا ہمیشہ کیلیے سدباب کریگی۔ ہم ایک سفارتی و سیکیورٹی طریقہ کار پر کام کر رہے ہیں اور بہت جلد لوگ نتائج سے آگاہ ہونگے لیکن ابھی اسکا خلاصہ نہیں کر سکتا۔

راج ناتھ سنگھ کا کہنا تھا کہ کانگریس مرکز میں62 سے 64 برسوں تک برسراقتدار رہی لیکن وہ مسئلہ کشمیر کو حل نہیں کر سکی لیکن میں پورے یقین کے ساتھ کہہ سکتا ہوںکہ ہماری سرکار حکومت کشمیر کے مسئلے کو ہمیشہ ہمیشہ کیلیے حل کریگی۔ انھوں نے کہا کہ مودی سرکار کسی مسئلے کو ادھورا نہیں چھوڑے گی بلکہ ہم تمام مسائل کو ہمیشہ کیلیے حل کریں گے۔ انھوں نے کہا کہ موجودہ مرکزی حکومت کشمیر کا ہمشیہ کیلیے حل نکالے گی۔

یہ بھی دیکھیں

واجپائی نے لاہور میں آزاد کشمیر پاکستان کو دینے کی پیشکش کی تھی، فاروق عبداللہ

سری نگر (مانیٹرنگ ڈیسک) مقبوضہ کشمیر کے سابق وزیراعلیٰ ڈاکٹر فاروق عبداللہ کشمیر کے معاملے ...