منگل , 23 مئی 2017

ایران؛ ملک بھر میں پولنگ جاری

تہران (مانیٹرنگ ڈیسک )اسلامی جمہوریہ ایران کے صدارتی اور بلدیاتی انتخابات کے لئے ووٹنگ کا آغاز ہوچکا ہے جس میں 56 ملین 5 لاکھ افراد اپنا ووٹ استعمال کرنے کے مجاز ہیں۔اسلامی جمہوریہ ایران کے بارہویں صدارتی انتخابات میں موجودہ صدر حسن روحانی اور سید ابراہیم رئیسی کے درمیان مقابلے کا آغاز ہوچکا ہے۔

اسلامی جمہوریہ ایران کے صدارتی اور بلدیاتی انتخابات کے لئے پولنگ آج صبح 8 بجے شروع ہوئی جو شام 5 بجے تک جاری رہے گی۔انتخابات میں 56 ملین 5 لاکھ افراد اپنا ووٹ استعمال کرنے کے مجاز ہیں۔

اسلامی جمہوری ایران کے صدارتی اور بلدیاتی انتخابات کے لئے انتخابی مہم کی وجہ سے خاص طور پرصدارتی الیکشن کی مہم کی بناپر پچھلے کئی ہفتے سے پورے ایران میں انتخابی گہماگہمی عروج پر تھی اور آج ایران کے عوام دنیا والوں کے سامنے اپنی دینی جمہوریت کے نظریے کا شاندار جلوہ پیش کرنے کے لئےپولنگ اسٹیشنوں کا رخ کرچکے ہیں۔

صدارتی انتخابات کے 6 امیدواروں میں سے تہران کے میئر اور صدارتی امیدوار محمد باقر قالیباف نے صدارتی انتخابات سے دستبردار ہوکر دوسرے اہم صدارتی امیدوارسید ابراہیم رئیسی کی حمایت کا اعلان کیا جبکہ نائب صدر اور صدارتی امیدوار اسحاق جہانگیری نے بھی صدارتی انتخابات سے دستبردار ہوکر صدر روحانی کی حمایت کا اعلان کیا جس کے بعد سید ابراہیم رئیسی اور صدر روحانی کے درمیان کانٹے کے مقابلے کی توقع ہے۔ صدارتی انتخابات کے مقابلے میں اب صرف 4 امیدوار حسن روحانی ، سید ابراہیم رئیسی سید مصطفی میرسلیم اورسید مصطفی ہاشمی طبا، میدان میں رہ گئے ہیں ۔

اسلامی جمہوریہ ایران کے آئین کے مطابق ایران کا ہر شہری خواہ وہ کسی بھی مذہب و مسلک سے ہو، کسی بھی قوم ونسل و زبان کا ہو اگر اس کے پاس ایرانی شہریت اور ایران کا شناختی کارڈ ہے اور عمر بھی اٹھارہ سال ہے تو وہ ووٹ ڈالنے کا حقدار ہوتاہے اور پوری آزادی نظر اور فکر کے ساتھ کسی بھی امیدوار کو ووٹ دینے کا حق رکھتا ہے-

یہ بھی دیکھیں

سیسی کی اسلامی امریکی سمٹ میں شرکت کا راز

ریاض (مانیٹرنگ ڈیسک) متعدد ذرائع ابلاغ میں انکشاف ہوا ہے کہ مصری صدر عبدالفتاح السیسی ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے