پیر , 26 جون 2017

ایران تمام معاملات کو سفارتی تعلقات کے ذریعے حل کرنے کا خواہاں ہے، وفاقی وزیر عبدالقادر بلوچ

اسلام آباد(مانیٹرنگ ڈیسک ) وفاقی وزیر عبدالقادر بلوچ کا کہنا ہے کہ ایران ہماری خود مختاری اور سالمیت کا احترام کرتا ہے اور ایران تمام معاملات کو سفارتی تعلقات کے ذریعے حل کرنے کا خواہاں ہے۔

ذرائع کے مطابق سرحدی علاقوں کے وفاقی وزیر عبدالقادر بلوچ نے سینیٹ اراکین کو پاک ایران تعلقات اور مشترکہ سرحدوں کی صورت حال پر بریفنگ دیتے ہوئے کہا ہے کہ ایران ہماری خود مختاری اور جغرافیایی سالمیت کا احترام کرتا ہے اور پاکستان سے بھی اسی طرح کے توقعات رکھتا ہے۔ ان کا کہنا ہے کہ ایران پاکستان کی سرزمین میں کارروائی کرنے کا کوئی ارادہ نہیں رکھتا اور ایرانی فوجی حکام کے حالیہ بیانات کے حوالے سے ہمیں میڈیا کی غیرمصدقہ رپورٹوں پر توجہ نہیں دینا چاہئے۔

عبدالقادر بلوچ کا مزید کہنا ہے کہ ایران، پاکستان کے ساتھ تمام مسائل سفارتکاری کے ذریعے حل کرنا چاہتا ہے جس کی واضح مثال گذشتہ دنوں پاک ایران سرحد پر پیش آنے والے واقعے کے بعد ایرانی وزیر خارجہ کا دورہ پاکستان ہے۔ ایرانی وزیر خارجہ نے دہشت گردانہ واقعے کے بعد پاکستان کی سیاسی و فوجی حکام سے ملاقاتیں کی ہیں۔ ان کا کہنا ہے کہ ان تمام اقدامات سے یہ بات واضح ہوتی ہے کہ ایران تمام معاملات کو سفارتی تعلقات کے ذریعے حل کرنے کا خواہاں ہے۔

یہ بھی دیکھیں

امریکی قانون ساز پاکستان کی غیرنیٹو اتحادی حیثیت ختم کرنے کیلئے کوشاں

واشنگٹن (مانیٹرنگ ڈیسک)دو امریکی قانون سازوں نے پاکستان کی اہم غیر نیٹو اتحادی کی حیثیت ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے