پیر , 23 اکتوبر 2017

واٹس ایپ کا رنگارنگ سٹیٹس فیچر متعارف کرانیکا فیصلہ

لاہور (مانیٹرنگ ڈیسک) معروف میسنجر واٹس ایپ کے صارفین کیلئے خوشخبری آگئی۔ کمپنی نے فیس بک سے ملتا جلتا رنگا رنگ ٹیکسٹ سٹیٹس کا فیچر متعارف کروانے کا فیصلہ کر لیا۔ بین الاقوامی ویب سائٹ کی رپورٹ کے مطابق یہ فیچر اس وقت واٹس ایپ کے بیٹا ورژن 2.17.291 کا حصہ ہے اور اکثر افراد تک اس کی رسائی بھی ہے۔

واٹس ایپ کی جانب سے اسٹیٹس ٹیب میں کیمرہ آئیکون کے اوپر فلوٹنگ پینسل کی شکل کا بٹن دیا جارہا ہے۔ اس میں اب واٹس ایپ کی جانب سے صارفین کو تین آپشن دیئے جائیں گے، ایک ایموجی کا اضافہ، فونٹ کا انتخاب اور پس منظر کا رنگ بدلنا۔

ان کا انتخاب کرنے کے بعد صارفین کو بس اس اسٹیٹس کو پوسٹ کرنا ہوگا۔ فیس بک کی جانب سے یہ فیچر گزشتہ سال دسمبر میں متعارف کروایا گیا تھا جس کے ساتھ لنکس، تصویر یا ویڈیو پوسٹ نہیں کی جاسکتی۔

یہ بھی دیکھیں

واٹس ایپ کا یہ نیا فیچر پسند کریں گے؟

اسلام آباد (مانیٹرنگ ڈیسک) واٹس ایپ نے ایک نیا فیچر متعارف کرا دیا ہے جس ...