پیر , 23 اکتوبر 2017

متحدہ عرب امارات کا یمن میں اپنے 4 فوجیوں کی ہلاکت کا اعتراف

صنعا ء (مانٹرنگ ڈیسک) متحدہ عرب امارات نے یمن میں اپنے 4سپاہیوں کے مارے جانے کا اعتراف کرلیا ہے۔سعودی اتحاد نے جمعہ کے روز اعلان کیا تھا کہ ایک لڑاکا ہیلی کاپٹر نے یمن کے مفرور صدر منصور عبد ربہ کے زیرکنڑول علاقے میں فنی خرابی کی وجہ سے ہنگامی لینڈنگ کی۔دوسری طرف یمنی المشہد بیس نے بھی جمعہ کو اعلان کیا تھا کہ ایک جنگی ہیلی کاپٹر صوبہ شبوہ کے علاقے میں گر کر تباہ ہوا ہے۔

متحدہ عرب امارات سعودی عرب کے اہم اتحادیوں میں سے ہے جو یمن کے نہتے شہریوں پر دوسال سے بمباری کررہا ہے۔رپورٹ کے مطابق یمن جنگ میں 30 سے زائد اماراتی جنگی طیارے حصہ لے رہے ہیں۔یمنی سرکاری فوج اور عوامی رضاکار فورسز نے سعودی اتحادی افواج کا منہ توڑ جواب دیتے ہوئے اب تک سینکڑوں امارتی فوجیوں کو ہلاک کردیا ہے۔ستمبر 2015 کو یمنی فورسز نے میزائل حملہ کرکے 45 سے زائد اماراتیوں کو ہلاک کردیا تھا۔

یہ بھی دیکھیں

فلسطین عالم اسلام کا اہم ترین مسئلہ ہے، ڈاکٹر ولایتی

تہران (مانیٹرنگ ڈیسک) تشخیص مصلحت نظام کونسل کے رکن اور بین الاقوامی امور میں رہبر ...