پیر , 23 اکتوبر 2017

مقبوضہ کشمیر میں جھڑپ کے دوران نوجوان شہید اور2 بھارتی فوجی ہلاک

سری نگر (مانیڑنگ ڈیسک) مقبوضہ کشمیر میں ہونے والی جھڑپ میں کشمیری نوجوان شہید جبکہ 2 بھارتی فوجی ہلاک اور 6 زخمی ہوگئے۔بھارتی میڈیا کے مطابق مقبوضہ کشمیر کے ضلع شوپیاں میں عسکریت پسندوں سے جھڑپ میں 2 بھارتی فوجی ہلاک اور کیپٹن سمیت 6 اہلکار زخمی ہوگئے۔ قابض افواج نے شوپیاں کے ضلع زیناں پورا کے گاؤں آونیرا کا محاصرہ کرکے آپریشن شروع کیا کہ اس دوران ان پر فائرنگ شروع ہوگئی۔

جھڑپ کے دوران 2 بھارتی فوجی مارے گئے اور کیپٹن سمیت 6 زخمی ہوگئے۔ مکان سے ایک کشمیری نوجوان کی لاش بھی ملی جسے بھارتی فوج نے دہشت گرد قرار دے دیا۔واضح رہے کہ مقبوضہ کشمیر میں گزشتہ ماہ بھارتی افواج نے ریاستی دہشت گردی کا مظاہرہ کرتے ہوئے 33 نوجوانوں کو شہید اور 565 کو زخمی کردیا۔

یہ بھی دیکھیں

بین الاقوامی ایٹمی ایجنسی ایران کی فوجی تنصیبات کے معائنہ کی مجاز نہیں:روس

ماسکو (مانیٹرنگ ڈیسک) روس کے نائب وزير خارجہ ریابکوف نے کہا ہے کہ بین الاقوامی ...