منگل , 19 ستمبر 2017

امریکہ نے روسی سفارتی عمارات پر قبضہ کرلیا

واشنگٹن (مانیٹرنگ ڈیسک) امریکہ اور روس کے درمیان سفارتی کشیدگی بڑھ گئی ہے امریکہ نے روسی سفارت کاروں کے نکل جانے کے بعد ہفتے کے روز روسی سفارتی عمارات کا کنٹرول سنبھال لیا ہے۔

اطلاعات کے مطابق ٹرمپ انتظامیہ نے3 روسی سفارتی عمارات کو 2 روز کے اندر اندر خالی کرنے کے احکامات دیے تھے اور ہفتے کے روز اس ڈیڈلائن سے قبل روسی سفارتی عملہ ان عمارات سے نکل گیا تھا۔ روس نے الزام عائد کیا ہے کہ امریکی حکام ان عمارات میں بغیر اجازت داخل ہو رہے ہیں۔

امریکی وزارت خارجہ کے ایک اہلکار نے تاہم نام ظاہر نہ کرنے کی شرط پر خبر رساں ادارے ایسوسی ایٹڈ پریس کو بتایا کہ ان عمارات کا معائنہ کیا گیا ہے، تاکہ یہ دیکھا جا سکے کہ آیا روسی سفارتی عملہ یہاں سے جا چکا ہے اور یہ عمارات محفوظ بھی ہیں۔ ادھر روس نے کہا ہے کہ وہ امریکی بد اخلاقی کا جواب دےگا۔

یہ بھی دیکھیں

کیوبا میں اپنا سفارتخانہ بند کر سکتے ہیں، امریکی وزیر خارجہ

واشنگٹن (مانیٹرنگ ڈیسک) امریکی وزیر خارجہ ریکس ٹلرسن نے کہا ہے کہ امریکی سفارت کاروں ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے