بدھ , 22 نومبر 2017

آزادی کپ، پاکستان اور ورلڈ الیون کے درمیان آج میدان سجے گا

لاہور: انتظار کی گھڑیاں ختم اور کرکٹ کی سہانی گھڑی آن پہنچی ہے کیونکہ قذافی اسٹیڈیم لاہور میں کرکٹ لوٹ آئی ہے۔ زندہ دلان کے شہر میں آج شام سات بجے پاکستان اور ورلڈ الیون کے درمیان میدان سجے گا۔ صرف گیند بلے کی گیم نہیں بلکہ فُل موج مستی اور بلے بلے ہو گی۔ دلوں کی دھڑکنیں ابھی سے تیز اور بے تابیاں بھی بڑھنے لگیں۔

سرفراز اور فاف ڈوپلیسز الیون نے خوب پریکٹس کی اور ہاشم آملہ نے بلے بازی کے جوہر دکھائے تو عمران طاہر نے بھی خوب گیند گھمائے۔ فلڈ لائٹس میں دونوں ٹیموں نے بیٹنگ، بولنگ اور فیلڈنگ کی الگ الگ تیاریاں کیں جبکہ میچ ریفری رچرڈسن نے قذافی اسٹیڈیم کا معائنہ کیا۔

یاد رہے گزشتہ روز پاکستان کرکٹ ٹیم کے کپتان سرفراز احمد اور ورلڈا لیون کے کپتان فاف ڈیوپلیسی نے آزادی کپ کی ٹرافی کی رونمائی کی تھی۔ قذافی اسٹیڈیم لاہور میں ٹرافی کی تقریب رونمائی منعقد ہوئی۔ قبل ازیں ورلڈ الیون کے کپتان فاف ڈیوپلیسی اور کوچ اینڈی فلاور نے ٹیم کی کِٹ کی رونمائی کی تھی۔

یہ بھی دیکھیں

ایک ٹانگ سے کھیلنے والے چینی فٹبالر نے دھوم مچا دی

شنگھائی (مانیٹرنگ ڈیسک) ایک ٹانگ سے کھیلنے والے چینی فٹبالر نے دنیا بھر میں دھوم مچاتے ...