منگل , 19 جون 2018

نیتن یاھو آئندہ ہفتے امریکی صدر ڈونلڈ ٹرمپ سے ملاقات کریں گے

تل ابیب (مانیٹرنگ ڈیسک) اسرائیلی وزیراعظم بنجمن نیتن یاھو جو ان دنوں لاطینی امریکا کے دورے پر ہیں آئندہ ہفتے نیویارک میں جنرل اسمبلی کے اجلاس کے موقع پر صدر ڈونلڈ ٹرمپ سے ملاقات کریں گے۔

اطلاعات کے مطابق اسرائیلی وزیراعظم ہاؤس کے ترجمان ’اویر جندلمن‘ نے ایک بیان میں بتایا کہ نیتن یاھو اپنے دوست امریکی صدر ٹرمپ سے آئندہ ہفتے جنرل اسمبلی کے اجلاس کے موقع پر ملاقات کریں گے۔

جندلمن کا کہنا ہے کہ ملاقات کی جگہ اور وقت کا تعین بعد میں کیا جائے گا۔ تاہم توقع ہے کہ نیتن یاھو اور ٹرمپ کے درمیان ملاقات جنرل اسمبلی کے سالانہ اجلاس سے قبل ہوگی۔ خیال رہے کہ اسرائیلی وزیراعظم نیتن یاھو گذشتہ اتوار کو لاطینی امریکی ملکوں کے دورے پر روانہ ہوگئے تھے۔

نیتن یاھو کا یہ دورہ 15 ستمبر تک جاری رہے گا۔ اس دوران وہ ارجنٹائن، کولمبیا اور میکسیکو کے حکام سے ملاقاتیں کریں گے۔ وہیں سے وہ امریکا میں جنرل اسمبلی کے اجلاس میں شرکت کے لیے روانہ ہوں گے۔

یہ بھی دیکھیں

یونان اور مقدونیہ کے درمیان بلقان کے نام کا تنازع 27 سال بعد حل

ایتھنز(مانیٹرنگ ڈیسک) یونان اور مقدونیہ کے وزرائے اعظم طویل بحث و مباحثے کے بعد بلقان ...