بدھ , 22 نومبر 2017

پاکستان میں کاروں کی فروخت 25 فیصد بڑھ کر 22 ہزار یونٹس ہوگئی

کراچی (مانیٹرنگ ڈیسک) پاکستان میں ایک چیز کی فروخت میں زبردست اضافہ،گاڑیوں کی فروخت رواں مالی سال کے دوسرے مہینے اگست کے دوران مزید تیز ہوگئی۔آٹو انڈسٹری کے اعدادوشمار کے مطابق اگست 2017 کے دوران مقامی سطح پر تیار کردہ گاڑیوں کی فروخت اگست 2016کے مقابلے میں 25 فیصد کے اضافے سے 22ہزار 95یونٹس رہی، اگست 2016کے دوران 17ہزار 653 گاڑیاں فروخت کی گئی تھیں۔

گاڑیوں کی فروخت جولائی 2017کے مقابلے میں 13 فیصد زائد رہی، گاڑیوں کی فروخت میں نمایاں اضافہ بینکوں کی جانب سے آٹو فنانسنگ کی فراہمی، گاڑیاں بنانے والی کمپنیوں کی جانب سے نئے ماڈلز مارکیٹ میں لانے کا نتیجہ ہے۔ جولائی 2017کے مقابلے میں اگست 2017کے دوران پاک سوزوکی موٹرز کی فروخت 14فیصد اضافے سے 11ہزار 888یونٹس، انڈس موٹرز کی فروخت 20 فیصد اضافے سے 5541یونٹس,

جبکہ ہونڈا کارز کی فروخت 3فیصد اضافے سے 4666 یونٹس رہی، ٹریکٹرز پر سیلز ٹیکس میں کمی۔بڑی فصلوں کی پیداوار میں اضافے اور پنجاب حکومت کی کسان پیکیج اسکیم سمیت کسانوں کے لیے کھاد پر سبسڈی کے نتیجے میں ٹریکٹرز کی فروخت میں نمایاں اضافے کا رجحان رہا، اگست کے مہینے میں ٹریکٹرز کی فروخت 5138یونٹس رہی جو اگست 2016کے مقابلے میں 115 فیصد جبکہ جولائی 2017کے مقابلے میں 11فیصد زائد ہے۔

واضح رہے کہ سی پیک منصوبوں کے لیے ہیوی گاڑیوں کی طلب بڑھنے، سڑکوں کے نظام میں بہتری اور کم شرح سود پر فنانسنگ کی سہولت کی وجہ سے بسوں اور ٹرکوں کی فروخت میں بھی اضافے کا سلسلہ جاری ہے جب کہ اگست کے مہینے میں مجموعی طور پر 861بس اور ٹرک فروخت کیے گئے، یہ تعداد اگست 2016کے مقابلے میں 20فیصد جبکہ جولائی 2017کے مقابلے میں 9فیصد زائد ہے۔

یہ بھی دیکھیں

سی پیک میں پاکستانیوں کے لیے بھی سرمایہ کاری کرنے کا موقع

اسلام آباد (مانیٹرنگ ڈیسک) وفاقی حکومت نے پاک چین اقتصادی راہداری (سی پیک) کے اطراف میں ...