منگل , 19 ستمبر 2017

ایران کا بنگلہ دیش میں میانمار کے مسلمانوں کے لئے مہاجر کیمپ اورصحرائی اسپتال بنانے کا اعلان

تہران (مانیٹرنگ ڈیسک) اسلامی جمہوریہ ایران کی وزارت خارجہ کے ترجمان نے کہا ایران نے اب تک 100 ٹن کی امداد میانمار کے مسلمانوں کے لئے ارسال کی ہے جس میں غذائی اور طبی سامان موجود ہے جبکہ ایران میانمار کے مسلمانوں کے لئے بنگلہ دیش میں ایک مہاجرکیمپ اور صحرائی اسپتال بھی بنائے گا۔

ایرانی وزارت خارجہ کے ترجمان نے کہا کہ ایران روہنگیا مسلمانوں پر ہونے والےمظالم کی روک تھام کے لئے اپنے تمام وسائل بروی کار لارہا ہے اور ایرانی وزیر خارجہ آئندہ ہفتہ اقوام متحدہ کی جنرل اسمبلی کے اجلاس کے ضمن ميں دیگر اسلامی اور غیر اسلامی ممالک کے وزراء خارجہ کے ساتھ روہنگیا مسلمانوں کے بارے میں فعال سفارتی اقدام عمل ميں لائیں گے۔

بہرام قاسمی نے کہا کہ ایران اپنی تمام توانائیوں کے ساتھ میانمار کے مسلمانوں کے ساتھ ہے اور اس سلسلے میں اپنی اسلامی، انسانی اور اخلاقی ذمہ داریوں کو احسن طریقہ سے انجام دے رہا ہے اور ایران اس سلسلے میں بنگلہ دیشی حکام کے ساتھ رابطہ میں ہے۔ انھوں نے کہا کہ ایران کے میانمار کے ساتھ سفارتی تعلقات نہیں لہذا تھائی لینڈ میں ایران کے سفیر میانمار کے امور کے نگراں ہیں۔ انھوں نے کہا کہ میانمار کو مسلمانوں پر ہونے والے مظالم کا تواان ادا کرنا پڑےگا لہذآ اسے مسلمانوں کے خلاف بربریت کو فوری طور پر بند کردینا چاہیے۔

یہ بھی دیکھیں

برما فوج کی ہزاروں مسلمان خواتین کی اجتماعی آبرو ریزی

ینگون (مانیٹرنگ ڈیسک) میانمار کی حکومت کی ظالمانہ پالیسی اور فوج کی منظم ریاستی دہشت ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے