جمعہ , 26 فروری 2021

کراچی الیکٹرک نے ایک سال سے کنویں میں پھنسی بلی کو بحفاظت نکال لیا

cat

کراچی(نامہ نگار)شہرقائد کے نواحی علاقے کاٹھورسے کے الیکٹرک نے کنوئیں میں ایک سال سے پھنسی ہوئی بلی کو بحفاظت باہرنکال لیا ہے۔تفصیلات کے مطابق جانوروں کے حقوق کی تنظیم پاکستان انیمل ویلفئیرسوسائٹی کی تنظٰیم کی درخواست پر کے الیکٹرک نے کراچی سے 50 کلومیٹر کے فاصلے پر واقع کاٹھورمیں بلی کو کنوئیں سے نکالنے کے لئے ریسکیو آپریشن کیا۔کے الیکٹرک نے سکندربلوچ نامی ایک فیلڈ اہلکار کی کرین کے ذریعے 110 فٹ گہرے کنویں سے زندہ نکال لیا جہاں وہ گزشتہ ایک سال سے مقید تھی۔کے الیکٹرک اہلکار سکندرنے پاکستان انیمل ویلفئیرسوسائٹی کی جانب سے فراہم کردہ سفری پنجرے میں بلی کو با آسانی بند کیا اورکرین کی مدد سے واپس لوٹ آیا۔ابتدائی جانچ پڑتال کے مطابق بلی بالکل صحت مند ہے اوراسے کنویں کی ایک سالہ قید میں کوئی مہلک بیماری یا کاری زخم نہیں آیا، مزید نگہداشت کے لئے بلی کو جانوروں کے حقوق کی تنظیم کے حوالےکردیا گیا۔پاکستان انیمل ویلفئیرسوسائٹی نے اس کامیاب ریسیکیو آپریشن پر کے الیکٹرک انتظامیہ اورایدھی انیمل شیلٹرٹیم کا بلی کو ابتدائی امداد فراہم کرنے پرشکریہ ادا کیا۔

یہ بھی دیکھیں

لاک ڈاؤن سے پریشان ہیں تو اپنی چیخ آئس لینڈ تک پہنچائیں!

آئس لینڈ سیاحوں کے لیے اپنی تشہیر کرتا رہتا ہے اور اب اسی مہم کے …