بدھ , 13 دسمبر 2017

صہیونیوں نے حرمِ ابراہیم (علیہ السلام) کو بند کردیا

یروشلم (مانیٹرنگ ڈیسک) اسرائیلی فوجیوں نے حرم ابراہیمی کو نمازیوں کے لیے بند کر دیا، اور یہ اقدامات «عید عرش» کے بہانے سے کیے جا رہے ہیں۔حرم ابراہیمی کے سیکیورٹی سربراہ شیخ حفظی ابو سنینہ نے کہا ہے کہ: اسرائیلی فوجیوں نے کل رات 10 بجے سے حرم کا محاصرہ کر لیا ہے اور نماز پڑھنے کی بھی اجازت نہیں دی جارہی ہے، اور یہ سلسلہ دس دن تک جاری رہے گا۔

انہوں نے کہا: یہودی ہر 10 دس دن کے لیے حرم ابراہیمی کو بند کر دیتے ہیں، اور یہ کام وہ «شمگار» کے قانون کی بنا پر کرتے ہیں جو 1994 کے مظالم کے بعد بنایا گیا تھا۔

انہوں نے مزید کہا: اسرائیل اسلحہ کے زور پر حرم پر قبضہ کر کے اسے یہودی کنیسہ بنانا چاہتے ہیں۔انہوں نے عالمی برادری سے مطالبہ کیا ہے کہ وہ اسرائیل کے ان اقدامات کو روکنے کے لیے کوشش کریں۔

خیال رہے کہ 343 یہودی، فوج کی حمایت کے لیے مسجد میں داخل ہو گئے ہیں اور اس مقدس مقام کی توہین کی ہے۔

واضح رہے کہ حرم ابراہیمی، مسجد الاقصیٰ کے بعد مسلمانوں کی اہم مسجدوں میں شمار ہوتا ہے، جو حضرت ابراہیم (علیہ السلام) کے زمانے میں بنائی گئی تھی اور تاریخ کی رو سے حضرت ابراہیم (علیہ السلام) یہی دفن ہیں۔

یہ بھی دیکھیں

نجف اشرف میں ایک ہوٹل میں آگ لگنے سے 43 ایرانی زائرین زخمی

بغداد (مانیٹرنگ ڈیسک) عراق کے مقدس شہر نجف اشرف میں ایک ہوٹل میں آگ لگنے ...