پیر , 1 مارچ 2021

لندن ، کرکٹر معین علی کو برمنگھم ایئرپورٹ پر روک لیا گیا، امیگریشن حکام کی پوچھ گچھ

Moeen-Ali

لندن (مانیٹرنگ ڈیسک) انگلینڈ کےمسلمان کرکٹر معین علی کو برمنگھم ائیرپورٹ پرروک لیاگیا۔ معین علی کا کہنا ہے کہ جب انگلش ٹیم کی وردی پہن کرگھومتاہو اس وقت کوئی نہیں روکتا۔تفصیلات کے مطابق مسلمانوں پر تعصب اور تنگ نظری کا الزام لگانے والے برطانیہ کا چہرہ بری طرح بے نقاب ہوگیا۔ برمنگھم ائیرپورٹ پرانگلینڈ کےمسلمان آل راؤنڈر کرکٹر معین علی کےساتھ نارواسلوک کیاگیا۔ معین علی کو پوچھ گچھ کیلئے ائیرپورٹ پرچالیس منٹ تک روک کےرکھا گیا۔ اور ان کی جامہ تلاشی بھی لی گئی۔ سماجی رابطے کی ویب سائٹ ٹوئٹر پرمعین علی کا کہنا ہے کہ جب بھی انگلینڈ ٹیم کے یونی فارم میں سفرکرتاہوں تو اس وقت کوئی نہیں روکتا لیکن جب اکیلا کہیں سفرکرتاہوں توایسا برتاؤ کیاجاتاہے۔معین علی نے کہا کہ ائیرپورٹ پرگزارا وقت بہت مشکل تھا۔ واضح رہے کہ معین علی انگلیڈ کی طرف سے تینوں طرز کی کرکٹ میں قومی ٹیم کی نمائندگی کرتے ہیں اورانگلینڈ کی موجودہ کرکٹ میں انھیں عادل راشد کے بعد سب سے بہتر اسپنر تصورکیا جاتا ہے۔

یہ بھی دیکھیں

پاکستان نے نیوزی لینڈ کو آخری ٹی ٹوئنٹی میں شکست دیدی

نیپئر: پاکستان نے تیسرے اور آخری ٹی ٹوئنٹی میچ میں نیوزی لینڈ کو 4 وکٹ …