جمعرات , 23 نومبر 2017

ہرٹ اٹیک سے خواتین زیادہ کیوں ہلاک ہوتی ہیں؟

واشنگٹن (مانیٹرنگ ڈیسک) اگرچہ ہرٹ اٹیک سے دنیا بھر میں مرد و خواتین دونوں ہی بڑی تعداد میں ہلاک ہوتے ہیں۔تاہم امریکا میں ہونے والی ایک حالیہ تحقیق سے پتہ چلا ہے کہ امریکا بھر میں ہرٹ اٹیک کی وجہ سے مردوں کے مقابلے خواتین زیادہ ہلاک ہوتی ہیں۔دلچسپ بات یہ ہے کہ خواتین کی زیادہ ہلاکتوں کی وجہ ’ہرٹ اٹیک‘ کا ہونا نہیں، بلکہ بر وقت طبی یا انسانی امداد کا نہ ملنا ہے۔واشنگٹن پوسٹ کی رپورٹ کے مطابق یونیورسٹی آف پنسلوانیا کے ماہرین کی نگرانی میں ہونے والی ایک حالیہ تحقیق سے یہ بات سامنے آئی کہ امریکا۔

میں ہارٹ اٹیک سے مرنے والی خواتین کی ہلاکت کی ایک وجہ یہ بھی ہے کہ جب ان کو عوامی مقامات پر دل کا دورہ پڑتا ہے تو لوگ خوف کی وجہ سے انہیں طبی ریلیف فراہم نہیں کرپاتے۔رپورٹ کے مطابق ماہرین نے امریکا بھر کے 20 ہزار ’ہرٹ اٹیک‘ کیسز کا مطالعہ کیا، ان کیسز میں مرد و خواتین کے کیسز شامل تھے۔رپورٹ سے پتہ چلتا ہے کہ امریکا بھر میں عوامی مقامات پر 45 فیصد مردوں کے مقابلے 39 فیصد خواتین کو دل کا دورا پڑتا ہے، لیکن عوام کی جانب سے مرد حضرات کو جلد ہی طبی یا انسانی ریلیف فراہم کیا جاتا ہے جس سے 23 فیصد مرد زندگی کی بازی ہارنے سے بچ جاتے ہیں۔

اگرچہ ماہرین نے بروقت طبی یا انسانی امداد کے نہ ملنے کو زیادہ خواتین کی ہلاکت کا اکیلا سبب قرار نہیں دیا، تاہم انہوں نے اسے ایک وجہ ضرور قرار دیا ہے۔ہرٹ اٹیک کیسز کا مطالعہ کرنے والی ماہرین کی ٹیم میں شامل ایک کارڈیولاجسٹ کا کہنا تھا کہ امریکا میں عوامی مقامات پر دل کے دورے سے متاثرہ خواتین کو لوگ کئی اسباب کی وجہ سے ہاتھ لگانے یا ان کے سینے کو زور سے دبانے سے گریز کرتے ہیں۔ماہرین کے مطابق امریکا میں عوامی مقامات پر ہرٹ اٹیک سے متاثر ہونے والی خواتین کے لیے مردوں کے مقابلے لوگ مدد کے لیے آگے کم آتے ہیں۔

 

یہ بھی دیکھیں

گری دار میوے کے دماغ پر مفید اثرات

اسلام آباد (مانیٹرنگ ڈیسک) روزانہ گری دار میوہ جیسے مونگ پھلی اور پستہ کو اپنی ...