جمعرات , 21 نومبر 2019

کراچی ، رضویہ سوسائٹی سے گرفتار لشکر جھنگوی کے دہشتگردوں کے اہم انکشافات

arrest3

کراچی (نامہ نگار) رضویہ سوسائٹی سے گرفتار ہونے والے لشکر جھنگوی کے دہشت گردوں نے دوران تفتیش اہم انکشافات کئے ہیں، میڈیا نے گرفتار دہشت گردوں کی تفتیشی رپورٹ حاصل کرلی۔رپورٹ کے مطابق گرفتار دہشت گردوں کا تعلق کالعدم تنظیم کے شاہد الرحمان گروپ سے ہے ،دہشت گرد ظفر اقبال ،خورشید خان، ،ساجد اور نذیر چوہدری کالعدم تنظیم کے لئے فنڈز جمع کرتے تھے۔رپورٹ کے مطابق مفتی فدا اورمولوی سعید نے راولپنڈٰی میں چرچ پر خود کش حملہ کرایا، دونوں دہشت گردوں نے خود کش حملہ آور کو تیار کیا، معاذ نوراورعبدالحق کا کام ٹارگٹ کلنگ کے لئے اہداف کی ریکی کرنا تھا، دونوں نے کراچی میں متعدد افراد کی ریکی کرکے انہیں قتل کرایا۔تفتیش کے مطابق تمام دہشت گرد موجودہ امیر جیند الرحمن کے ماتحت کارروائیاں کرتے تھے، جنید الرحمن نے سابق صدر پرویز مشرف پر حملے کی منصوبہ بندی بھی کی تھیاس کے علاوہ جنید الرحمن سپارکو بس پر فائرنگ کا ماسٹر مائنڈ بھی تھا، اس نے متعدد افراد کو فرقہ واریت کے نتیجے میں قتل کیا۔

یہ بھی دیکھیں

ایران سے ٹماٹروں کی پہلی کھیپ پاکستان پہنچ گئی

12 کنٹینروں پر مشتمل ایران سے ٹماٹروں کی پہلی کھیپ پاکستان پہنچ گئی، ایران سے …