منگل , 11 دسمبر 2018

خلیج فارس تعاون کونسل کا سربراہی اجلاس ناکام

تہران (مانیٹرنگ ڈیسک) خلیج فارس تعاون کونسل کا 38 واں سربراہی اجلاس کویت میں منعقد ہوا، جس میں سعودی عرب سمیت اہم ملکوں کے سربراہاں شریک نہیں ہوئے جس کے باعث دو روزہ اجلاس کو مختصر کردیا گیا۔

رائے الیوم کی رپورٹ کے مطابق خلیج فارس تعاون کونسل کا 38 واں سربراہی اجلاس کویت میں منعقد ہوا، جس میں سعودی عرب سمیت اہم ملکوں کے سربراہاں شریک نہیں ہوئے جس کے باعث دو روزہ اجلاس کو مختصر کردیا گیا۔چھ عرب ممالک پر مشتمل خلیج فارس تعاون کونسل کے سربراہی اجلاس کی صدارت امیر کویت شیخ صباح الاحمد الجابر الصباح نے کی۔

سعودی عرب کے امریکہ نواز شاہ سلمان بن عبدالعزیز سمیت بحرین، متحدہ عرب امارات اور سلطنت عمان کے سربراہان بھی اجلاس سے غائب رہے جن کی نمائندگی یا تو وزرائے خارجہ یا وزرائے اعظم کے نمائندوں نے کی۔ جبکہ قطر کے امیر شیخ تمیم بن حمد آل ثانی واحد سربراہ تھے جو اس سربراہی اجلاس میں شریک ہوئے تھے جس کے باعث اجلاس کا دورانیہ دو روز کے بجائے ایک روز تک کرنا پڑا۔

قطر بحران شروع ہونے کے بعد خلیج فارس تعاون کونسل کا یہ پہلا سربراہی اجلاس تھا۔ جس میں 6 میں سے 4 ممالک کے سربراہان غائب تھے۔

یہ بھی دیکھیں

ایسا کام کریں تاکہ دشمنوں میں ایرانی قوم کو دھمکی دینے کی ہمت بھی نہ رہے:آیت اللہ العظمی خامنہ ای

تہران (مانیٹرنگ ڈیسک)رہبر معظم انقلاب اسلامی حضرت آیت اللہ العظمی خامنہ ای نے بحریہ کے ...