جمعرات , 19 جولائی 2018

شاہ زیب قتل کیس، سپریم کورٹ کا اپیلوں پر سماعت کیلئے بینچ تشکیل

کراچی (مانیٹرنگ ڈیسک)شاہ زیب قتل کیس کی اپیلوں پر سپریم کورٹ نے سماعت کیلئے لارجربینچ تشکیل دے دیا، چیف جسٹس کی سربراہی میں تین رکنی کراچی رجسٹری میں سماعت کرے گا۔
تفصیلات کے مطابق شاہ زیب قتل کیس کی اپیلوں میں اہم پیش رفت سامنے آئی اور سپریم کورٹ نے اپیلوں کی سماعت کیلئے لارجربینچ تشکیل دیدیا، اپیلوں کی سماعت چیف جسٹس کی سربراہی میں تین رکنی کراچی رجسٹری میں کرے گا، بینچ میں جسٹس فیصل عرب اور جسٹس سجاد علی شاہ بھی شامل ہیں۔سپریم کورٹ نے لارجربینچ سول سوسائٹی کے اپیلوں پر تشکیل دیا۔
یاد رہے کہ شاہ زیب قتل کیس میں سول سوسائٹی نے سندھ ہائیکورٹ کے شاہ رخ جتوئی کی رہائی کے فیصلے کیخلاف سپریم کورٹ میں درخواست دائر کی تھی۔
سول سوسائٹی کا موقف ہے کہ سندھ ہائیکورٹ نے مقدمے سےاے ٹی اے کی دفعات نکالیں، انسداد دہشت گردی کی دفعات نکالنے سے ملزمان کو فائدہ ہوا۔
درخواست گزارجبران ناصر نے اپیل کی ہے کہ شاہ زیب قتل کیس سیشن نہیں اے ٹی اے کا مقدمے ہے، اگر شاہ رخ جتوئی جیسے ملزمان کو چھوڑا گیا تو معاشرے پر سنگین نتائج مرتب ہوں گے۔
جبران ناصر اور دیگر سول سوسائٹی نے عدالت سے استدعا کی کہ سندھ ہائیکورٹ کےفیصلے کو کالعدم قراردیا جائے۔
گذشتہ ہفتے سپریم کورٹ کے چیف جسٹس میاں ثاقب نثار نے شاہ زیب قتل کیس کی فائل منگوا کر مقدمہ سپریم کورٹ اسلام آباد منتقل کرنے کاحکم دیا اور رجسٹرار کو کیس جلد سماعت کے لیے مقرر کرنے کی ہدایت بھی کی تھی۔
واضح رہے کہ سندھ ہائیکورٹ نے اپنے فیصلے سے دہشت گردی کی دفعات ختم کرکے ماتحت عدالت کا فیصلہ کالعدم قرار دیا تھا، سندھ ہائیکورٹ نے سزا کو کالعدم قرار دیتے ہوئے مقدمہ ازسر نو سماعت کے لیے سیشن جج جنوبی کی عدالت کو منتقل کیا تھا۔
سیشن جج جنوبی نے گذشتہ دنوں مقدمے کے نامزد ملزمان شاہ رخ جتوئی ، سراج تالپور ، سجاد تالپور اور غلام مرتضی لاشاری کی ضمانت پانچ پانچ لاکھ کے عوض منظور کی تھی۔ جس پر تمام ملزمان کو رہا کر دیا گیا تھا۔

یہ بھی دیکھیں

کراچی میں انتخابی امیدواروں پر حملوں کا منصوبہ ناکام، 4 دہشتگرد گرفتار

کراچی(مانیٹرنگ ڈیسک) کاؤنٹر ٹیررازم ڈیپارٹمنٹ (سی ٹی ڈی) نے کارروائی کے دوران کالعدم تنظیم کے ...