منگل , 24 اپریل 2018

حزب اللہ سیاسی استحکام کی ضمانت ہے، لبنانی وزیراعظم

بیروت(مانیٹرنگ ڈیسک)لبنان کے وزیر اعظم سعدالحریری نے کہا ہے کہ حکومت میں حزب اللہ کی شمولیت ملک میں سیاسی استحکام کا باعث ہے۔امریکی اخبار وال اسٹریٹ جنرل کو انٹرویو دیتے ہوئے سعد الحریری کا کہنا تھا کہ وہ حزب اللہ کے ساتھ کسی صورت محاذ آرائی نہیں چاہتے۔ انہوں نے واضح کیا کہ حزب اللہ حکومت لبنان کا ایک حصہ ہے اور تمام سیاسی جماعتیں ملک میں سیاسی استحکام اور قومی یکجہتی کو محفوظ رکھنے کی کوشش کر رہی ہیں۔گزشتہ سال سعودی عرب کے دباؤ پر اپنے عہدے سے عارضی طور پر استعفی دینے والے سعدالحریری نے اس انٹرویو میں اپنے دورہ سعودی عرب کی تفصیلات بتانے گریز کرتے ہوئے دعوی کیا سعودی عرب نے لبنان کے اندرونی معاملات میں براہ راست مداخلت نہیں کی ہے۔ جبکہ لبنان کے دیگر اعلی حکام نے اسی وقت کہا تھا کہ سعودی عرب لبنان کے داخلی معاملات میں براہ راست مداخلت کررہا ہے –

یہ بھی دیکھیں

اسرائیل:سپریم کورٹ کے اختیارات محدود کرنے کا مجوزہ قانون نیتن یاہو کیخلاف ہزاروں افراد کا مظاہرہ

تل ابیب(مانیٹرنگ ڈیسک)اسرائیل کے دارالحکومت میں ہزاروں افراد نے سپریم کورٹ کے اختیارات محدود کرنے ...