بدھ , 21 فروری 2018

شام میں اسرائیلی کارروائی کے بعد القسام کا غزہ میں ہائی الرٹ

مقبوضہ بیت المقدس (مانیٹرنگ ڈیسک) شام میں اسرائیلی فوج کےایک جنگی طیارے کو مار گرائے جانے کے بعد اسلامی تحریک مزاحمت [حماس] کے عسکری ونگ عزالدین القسام بریگیڈ نے غزہ میں ہنگامی حالت نافذ کردی ہے۔

القسام بریگیڈ کی جانب سے جاری کردہ ایک بیان میں کہا گیا ہے کہ شام میں اسرائیلی فوج کے جنگی طیارے کو مار گرائے جانے کےبعد قابض کی طرف سے غزہ پربھی اسرائیلی فوج جارحیت کرسکتی ہے۔ اس ممکنہ جارحیت کے پیش نظرالقسام کے کارکنان نے ہنگامی حالت نافذ کی ہے۔

القسام بریگیڈ کے ترجمان نے بتایا کہ شمالی فلسطین میں پیدا ہونے والی صورت حال کے تناظر میں القسام بریگیڈ کے کارکنان کسی بھی ہنگامی حالت سے نمٹنے کے لیے تیار ہیں۔ترجمان کا کہنا ہے کہ اسرائیلی فوج کی جانب سے غزہ کی پٹی پر کسی قسم کی کارروائی کی جاسکتی ہے۔

خیال رہے کہ ہفتے کے روز شام میں جنگی کارروائی کے دوران شامی فوج نے اسرائیل کا ایک ’ایف 16‘ جنگی طیارہ مار رگرایا تھا۔ اس واقعے کے بعد اسرائیلی فوج نے شام میں وسیع پیمانے پر حملے شروع کیے ہیں۔اطلاعات کے مطابق شامی فوج نے شام میں ایرانی،شامی اور حزب اللہ کی تنصیبات پر12 حملے کیے ہیں۔

یہ بھی دیکھیں

قطر کی امداد کا مقصد غزہ کے عوام کو ریلیف فراہم کرنا ہے: العمادی

دوحہ (مانیٹرنگ ڈیسک) فلسطین کے لیے قطر کے مندوب محمد العمادی نے کہا ہے کہ ...