منگل , 25 ستمبر 2018

بحرین میں انقلاب کی 7 ویں سالگرہ کے موقع پر عوامی مظاہرے

منامہ (مانیٹرنگ ڈیسک)بحرین کے مختلف علاقوں میں آل خلیفہ حکومت کی سرکوبگرانہ پالیسیوں کے خلاف احتجاجی مظاہرے ہوئے۔
ذرائع کے مطابق بحرین کے عوام نے کل رات«اَبوصَیْبَع»، «الشاخوره» اور «کرانه» کے علاقوں میں 14 فروری کے انقلاب کی مناسبت اور اس انقلاب میں اپنی جانوں کا نذرانہ پیش کرنے والوں کو خراج تحسین پیش کرنے اورآل خلیفہ حکومت کی سرکوبگرانہ پالیسیوں کے خلاف احتجاجی مظاہرے کئے۔
بحرین کے عوام نے جن کے ہاتھوں میں پلے کارڈ، بینرز اور جاں بحق ہونے والوں کی تصاویر تھیں آل خلیفہ حکومت کے خلاف نعرے لگائے اور آیت اللہ شیخ عیسی قاسم کی حمایت کا اعلان کیا۔
14 فروری کی آمد کے موقع پر بحرین کے علماء نے اس دن کو ایک تاریخی دن قرار دیا اور اسے ہمیشہ زندہ رکھنے کی ضرورت پر تاکید کی۔
بحرینی علماء نے ایک بیان میں اس بات پر زور دیا کہ انقلاب کے چھ سال گزرنے کے باوجود، آج ہماری نئی جانثار اور بہادر نسل فداکاری کے لئے تیار ہے۔
اس بیانیہ میں آیا ہے کہ ہم اپنی دلیر قوم سے چاہتے ہیں کہ بڑے پیمانے پر مختلف شہروں میں پر امن احتجاجی مظاہرے کریں۔
واضح رہے کہ گزشتہ سال بحرینی شیعوں کے رہنما آیت اللہ شیخ عیسی قاسم کی حمایت میں بحرینی علماء کی کال پردسیوں ہزارافراد نے کفن پوش احتجاجی مظاہرے کئے تھے۔

یہ بھی دیکھیں

مصر میں شیعہ مسلمانوں کو یوم عاشور منانے نہیں دیا گیا

قاہرہ (مانیٹرنگ ڈیسک) گزشتہ 5 سالوں سے مصر میں شیعہ مسلمانوں کو یوم عاشور منانےنہیں ...