پیر , 24 ستمبر 2018

اسرائیل کے بائیکاٹ کی تحریک کینیڈا پہنچ گئی

اوٹاوا (مانیٹرنگ ڈیسک) کینیڈا کے طلبا و طالبات نے، یارک یونیورسٹی سے اسرائیل کے بائیکاٹ کی تحریک کا آغاز کر دیا ہے۔اسرائیل کے بائیکاٹ کی تحریک بی ڈی ایس کے ایک عہدیدار کارن روڈ مین نے بتایا ہے کہ بیس عوامی تنظیمیں تحریک میں شامل ہیں جبکہ تیس دیگر نے فلسطینیوں کی حمایت کا اعلان کیا ہے۔انہوں نے کہا کہ امن پسند گروپ، مذہبی تنظیمیں اور حتی بعض یہودی تنظیمیں بھی اسرائیل کے بائیکاٹ کی تحریک کی حمایت کر رہی ہیں۔

انہوں نے کہا کینیڈا میں اسرائیل کے تجارتی اور اقتصادی بائیکاٹ کی مختلف کمپین چلائی گئی ہیں اور انہیں کافی کامیابی بھی ملی ہے۔ بی ڈی ایس کے سینیئر رکن کا کہنا تھا کہ صہیونیوں کے ٹولے بھی اسرائیل کے بائیکاٹ کی تحریک کو دبانے کے لیے ایڑی چوٹی کا زور لگا رہے ہیں تاہم انہیں ناکامی کا منہ دیکھنا پڑا ہے۔

قابل ذکر ہے کہ اسرائیل کے بائیکاٹ کی عالمی تحریک بی ڈی ایس میں ایک سو ستر کے قریب غیر سرکاری تنظیمیں اور تجارتی و تعلیمی ادارے شامل ہیں۔

یہ بھی دیکھیں

(ن) لیگ بھارتی عزائم کیخلاف اپنی حکومت و پاک افواج کے شانہ بشانہ کھڑی ہے، علی اکبر گجر

اسلام آباد (مانیٹرنگ ڈیسک) مسلم لیگ (ن) سندھ کے سینئر رہنماء نے کہا کہ بھارت ...