پیر , 24 ستمبر 2018

سعودی عرب بس حادثے میں 32 پاکستانی اور بھارتی شہری زخمی

تبوک (مانیٹرنگ ڈیسک) سعودی عرب کے علاقے الوجہ کمشنری جانے والی مسافر بس ضباء روڈ پر الٹ گئی۔ بس میں پاکستان اور بھارت کے 43مسافر سوار تھے ان میں سے 32زخمی ہو گئے۔ حادثہ الوجہ سے 40کلو میٹر کے فاصلے پر پیش آیا۔

ہلال احمر کے ترجمان خالد العنزی نے یہ اطلاع دیتے ہوئے واضح کیا کہ بس ایک کمپنی کی تھی۔ زخمیوں کو مقامی اسپتال میں داخل کر دیا گیا ان میں سے بعض کے زخم گہرے اور دیگر کے معمولی ہیں۔

بس پر پاکستان اور بھارت کے 43شہری سوار تھے۔ زخمیوں کی مرہم پٹی اور طبی امداد کی فراہمی میں 10ٹیموں نے حصہ لیا۔ ان میں سے 6ہلال احمر اور 4وزارت صحت کی ٹیمیں تھیں۔العنزی نے بتایا کہ 11افراد خطرے سے باہر ہیں۔ 11زخمیوں کو امدادی ٹیموں کے جائے حادثہ پہنچنے سے پہلے ہی اسپتال پہنچا دیا گیا تھا۔

یہ بھی دیکھیں

نواز شریف نے ایک مرتبہ پھر آصف زرداری سے مدد مانگ لی

اسلام آباد (مانیٹرنگ ڈیسک) متحدہ اپوزیشن کے لئے مسلم لیگ (ن) نے پیپلز پارٹی سے ...