منگل , 11 دسمبر 2018

شمالی کوریا نے اقوام متحدہ کے سیکرٹری جنرل کو امریکی نوکر قراردیدیا

پیانگ یانگ (مانیٹرنگ ڈیسک) شمالی کوریا نے اقوام متحدہ کے سکریٹری جنرل انٹونیو گوٹرش کو امریکہ کا نوکر اور غلام قراردیتے ہوئے کہا ہے کہ اقوام متحدہ کے سکریٹری جنرل امریکی نقش قدم پر چل رہے ہیں۔

اطلاعات کے مطابق اقوام متحدہ میں شمالی کوریا کے نمائندے نے ایک بیان میں کہا ہے کہ اقوام متحدہ کے سکریٹری جنرل امریکی نقش قدم پر چل کر اقوام متحدہ کی ساکھ کو نقصان پہنچا رہے ہیں اور دوسرے ممالک کے بارے میں امریکی زبان میں بات کرتے ہیں۔ شمالی کوریا کا کہنا ہے کہ اقوام متحدہ کے سکریٹری جنرل کے وظائف میں سیاسی بیان بازی نہیں بلکہ مسائل کا حل پیش کرنا ہے۔

شمالی کوریا کے نمائندے کا کہنا ہے کہ جزیرہ نما کوریا میں کشیدگی کا اصلی سبب امریکہ ہے اور اقوام متحدہ کے سکریٹری جنرل کو شمالی کوریا کے خلاف پابندیوں کی حمایت نہیں کرنی چاہیے کیونکہ شمالی کوریا کو بھی اپنی دفاعی صلاحیتوں کو مضبوط بنانے کا حق حاصل ہے۔۔

یہ بھی دیکھیں

ایسا کام کریں تاکہ دشمنوں میں ایرانی قوم کو دھمکی دینے کی ہمت بھی نہ رہے:آیت اللہ العظمی خامنہ ای

تہران (مانیٹرنگ ڈیسک)رہبر معظم انقلاب اسلامی حضرت آیت اللہ العظمی خامنہ ای نے بحریہ کے ...