پیر , 10 دسمبر 2018

امریکہ کس طرح داعش کی مدد کر رہا ہے؟

دمشق (مانیٹرنگ ڈیسک) چند روز قبل ذرائع نے رپورٹ دی تھی کہ امریکہ شام کے علاقے الحسکہ سے داعش کے افراد کو منتقل کر رہا ہے۔رشین نیوز کے مطابق امریکی ہیلی کاپٹرز الحسکہ کے علاقے سے داعش کے افراد کو منتقل کر رہے تھے۔اسپوتنیک نیوز کے مطابق YouTube اور فیسبوک میں نشر ہونے والی ویڈیو میں امریکی ہیلی کاپٹرز کو داعش کی مدد کرتے ہوئے دیکھا جا سکتا ہے۔

الحسکہ سے ایک ذرائع نے اپنا نام نہ لینے کی شرط پر بتایا ہے کہ کردوں کے علاقے میں ایک جیل میں مسلسل امریکی ہیلی کاپٹرز کی آمدورفت جاری ہے۔ بعض ذرائع کے مطابق امریکی ہیلی کاپٹر اس جیل سے اسلحہ کو منتقل کر رہے ہیں۔

اس سے پہلے عراقی میڈیا نے بھی خبر دی تھی کہ امریکی ہیلی کاپٹرز الحسکہ کے جیل سے داعش کے افراد کو ابوہاجر میں واقع امریکی اڈے میں منتقل کردیے ہیں۔عراقی میڈیا کے مطابق اس جیل میں دیرالزور سے لائے گئے 100 داعشی موجود تھے۔

روسی وزارت دفاع نے کچھ ماہ قبل الحسکہ میں امریکہ کی جانب سے مسلح افراد کو ٹرین کرنے پر اعتراض کیا گیا تھا، ماسکو کے مطابق امریکہ اس گروہ کو شام میں نئی فوج کے نام سے استعمال کرے گا، اور اس فوج میں داعش اور النصرہ کے ہی افراد شامل ہوں گے۔ اسپوتنیک نے عینی شاہدین کے حوالے کے ساتھ کہا ہے کہ 2017 میں المیادین شہر میں شامی فوج کے آنے سے پہلے ہی امریکی جہازوں نے داعش کے افراد کو منتقل کر دیا تھا۔

یہ بھی دیکھیں

ایسا کام کریں تاکہ دشمنوں میں ایرانی قوم کو دھمکی دینے کی ہمت بھی نہ رہے:آیت اللہ العظمی خامنہ ای

تہران (مانیٹرنگ ڈیسک)رہبر معظم انقلاب اسلامی حضرت آیت اللہ العظمی خامنہ ای نے بحریہ کے ...