ہفتہ , 23 جون 2018

امریکہ اور اسرائیل ایران کی دفاعی طاقت سے اچھی طرح آگاہ ہیں: جنرل سید یحیی رحیم صفوی

تہران (مانیٹرنگ ڈیسک) ایران کی مسلح افواج کے کمانڈرانچیف کے سینیئر مشیر میجر جنرل سید یحیی رحیم صفوی نے کہا ہے کہ امریکہ اور اسرائیل ایران کی دفاعی طاقت سے واقف ہیں اور انھیں معلوم ہے کہ وہ ایران کے خلاف جنگ میں کامیاب نہیں ہو سکتے۔

ایران کی مسلح افواج کے کمانڈرانچیف کے سینیئر مشیر میجر جنرل سید یحیی رحیم صفوی نے جمعہ کے روز صوبہ خوزستان میں اعلی فوجی حکام اور کمانڈروں سے خطاب کرتے ہوئے کہا کہ دشمن کو معلوم ہے کہ ایران ، افغانستان اور عراق نہیں ہے اور مسلط کردہ جنگ کے بعد ایران اس حد تک طاقتور ہوا ہے کہ امریکہ اور اسرائیل کو معلوم ہو چکا ہے کہ ایران کا مقابلہ نہیں کیا جا سکتا۔میجرجنرل سید یحیی رحیم صفوی نے کہا کہ ایران بڑی علاقائی طاقت ہے اور وہ مغربی ایشیا میں امن و استحکام کو بر قرار کرنے والا ملک ہے۔

ایران کی مسلح افواج کے کمانڈرانچیف کے سینیئر مشیر کا کہنا تھا کہ ایران کے دشمنوں کی دھمکیوں کا اسٹائل بدل گیا ہے اوراب وہ ایران میں بد امنی اور دھونس و دھمکی کے ذریعے اپنے مقاصد تک پہنچنے کی کوشش کررہے ہیں جس میں انھیں ناکامی کا منہ دیکھنا پڑے گا۔

یہ بھی دیکھیں

اسرائیلی فائرنگ سے زخمی فلسطینی نوجوان شہید

غزہ (مانیٹرنگ ڈیسک) اسرائیلی فوج کی وحشیانہ فائرنگ سے زخمی ہونے والا ایک فلسطینی نوجوان ...