اتوار , 19 اگست 2018

شام کیوں زد پر ہے ؟

(میثم اینگوتی)
امریکہ کی قیادت میں ایک نام نہاداتحاد دنیا میں بدمعاشی پرتلاہواہے۔ یورپ میں اس کے اتحادیوں میں بوڑھے سامراج برطانیہ اور فرانس قابل ذکرہیں جبکہ مشرق میں آل سعود کی حرمین پر قابض ریاست اور اس کے خلیجی شہزادے۔ یہ جب اور جس وقت چاہتے ہیں اپنی ہی ایجنسیوں، مفتیوں اور فتوؤں کے ذریعے اقوام عالم پر بارود کی بارش کردیتے ہیں۔

انسانیت کے نام پر یہ انسانیت کو آگ اور خون میں دھکیل کر خود تماشہ دیکھتے ہیں۔ عراق، افغانستان، لیبیا اور شام امریکی میزائیلوں کی بھینٹ چڑھ گئے۔ سرد جنگ کے خاتمے پر جب امریکہ دنیاکاواحد تھانیدار بنا اور روس کی طاقت بکھر کر سمٹ گئی تو انھوں نے نیوورلڈآرڈرجاری کیا۔ اس آرڈر میں پورے مشرقی وسطیٰ کی بھاگ دوڑ اسرائیل کے ہاتھوں میں تھمادی گئی کہ وہ جیسے چاہے مسلم ممالک کے ساتھ سلوک کرے۔

انقلاب اسلامی ایران کی کامیابی اور ایرانی عوام کی مزاحمت کی وجہ سے خطے میں اسرائیل کا خوف کافی حد تک کم ہوااور امریکہ کی بدمعاشی کوبھی چیلنج کیاگیا۔ ایران عالمی استعمار کے خلاف نہ صرف ایران کے اندر لڑا بلکہ لبنان میں حزب اللہ کی تشکیل و تنظیم اورشام میں بشارالاسد کی تائید ومدد کے ذریعے امریکہ ، اسرائیل سمیت اس کی مشرقی کٹھ پتلیوں کابھی جیناحرام کردیا۔ امریکہ سے مخاصمت کی پرانی تاریخ کے بل بوتے پر روس نے بھی اپنا حصہ اس اتحاد میں ڈال دیا تو گویا دنیا دو بلاکوں میں تقسیم ہوئی۔ ایک طرف امریکہ اور اس کے اتحادی دوسری طرف روس اور اس کے اتحادی۔ مسلمانوں کے اندر سے جذبہ جہاد کی روح کو ختم کرنے اور اسے فساد بالارض بنانے کے لئے امریکہ نے سعودی بادشاہت کے ذریعے دنیا بھر میں وہابی نظریات کو فروغ دیا اور القاعدہ، داعش اور طالبان جیسی تنظمیں وجود میں آئیں۔ جنھوں نے خطے میں اسرائیل کو تحفظ کو یقینی بنانے کے لئے کلیدی کردار اداکیا۔ ان فسادیوں کے ذریعے مشرقی وسطیٰ میں عراق اور شام کی صورت حال کو سنگین تر بنایاگیا۔

امریکہ، اسرائیل اور ان کی پیداکردہ تمام فسادی جہادی تنظمیوں نے شام کومیدان جنگ بنایا۔ اور شروع کے چند دنوں میں تو لگ رہاتھا کہ داعش کالشکر دمشق میں انسانی سروں سے فٹ بال کھیلنے لگے گا لیکن ایران، حزب اللہ اور روس کی کامیاب پالیسیوں اور مزاحمت نے داعشیوں سمیت تمام فسادیوں کو گھٹنے ٹیکنے پر مجبورکیا۔ روس نے تین مرتبہ اقوام متحدہ میں امریکہ کو ذلیل کیا۔ شامی افواج نے ملک بھر میں باغیوں کو شکست فاش دے دی۔ حلب، رقہ اور دوما سے دہشتگرد بشارالاسد سے جان کی امن لے کر بھاگ گئے۔ اب یہ شکست دہشتگردوں کی نہیں تھی بلکہ یہ اس کے سپانسر کرنے والے عالمی بدمعاشوں کی شکست تھی۔

آج شام پر ہونے والی جارحیت کیمیائی حملوں کے خلاف نہیں ہے بلکہ امریکہ کی بدمعاشی کو چیلنج کرنے کی سزاہے۔ شامی حکومت بھلا ایسی بے وقوفانہ حرکت کیوں کرے گی کہ جیتی ہوئی جنگ میں فراریوں پر کیمیکل ہتھیاروں سے حملے کرے۔ اب دنیا پرواضح ہواہے کہ یہ حملے اور ان کی سازش بھی انہی طاقتوں نے اپنی جارحیت کوجواز دینے اور دنیا کو دھوکہ دینے کے لئے خود کی ہے۔ عالمی میڈیا میں یکطرفہ جھوٹ کو پھیلایاگیا اور دنیاکو گمراہ کرنے کی کوشش کی گئی اور یہ پہلے بھی ان کا طریقہ کاررہاہے۔ شام پر حملے سے دنیائے اسلام منقسم ہوگی اور سعودی شہزادے اور مفتیان اسلام حضرت ڈونلد ٹرمپ کی کامیابی اور دارزی عمر کے لیے دعاہوں گے

کامریڈ محمد عامر حسینی کے بقول۔۔۔شام نے کیمیائی ہتھیاروں کا استعمال کیا۔
نکی ہیلے نے پچاس بار یہ فقرہ کہا،فرانسیسی سفیر نے 25 بار اور برطانوی سفیر نے 24 بار یہ فقرہ دہرایا۔۔ اب آپ یہ مت سمجھیے گا کہ ٹیپ کے اس فقرے کی گردان کسی اضطرار کے سبب تھی۔ بلکہ جھوٹ اتنی بار بولو کہ سچ لگنےلگے والے مقولے پہ عمل کیا جارہا تھا۔بشکریہ شفقنا نیوز

یہ بھی دیکھیں

وزیراعظم عمران خان کی حلف برداری کی تصویری جھلکیاں

وزیراعظم عمران خان کی حلف برداری کی تصویری جھلکیاں