بدھ , 15 اگست 2018

اکیس گھنٹے طویل روزہ کس ملک میں ہوگا؟

دبئی(مانیٹرنگ ڈیسک)  دنیا بھر میں روزے کا دورانیہ ایک ملک سے دوسرے ملک کا مختلف ہوتا ہے، اس سال دنیا بھر میں سب سے طویل روزہ اکیس گھنٹے کا آئس لینڈ میں ہوگا۔عرب میڈیا کے مطابق اسلامی ممالک میں مختصر ترین روزہ کومورس میں ہوگا جس کا دورانیہ 12 گھنٹے اور 37 منٹ کا ہوگا جبکہ 15 گھنٹے اور 45 منٹ دورانیے کا طویل روزہ الجزائر میں ہوگا۔طویل ترین روزے کے حوالے سے کینیڈا میں دورانیہ 19 گھنٹے اور 57 منٹ ہوگا جبکہ مختصر ترین دورانیہ ارجنٹائن میں ہوگا جہاں روزہ 11 گھنٹے اور 57 منٹ کا ہوگا۔

اسلامی دنیا کے مختلف ممالک میں روزوں کا دورانیہ درج ذیل ہوگا۔پاکستان میں روزے کا دورانیہ 15 گھنٹے سے زائد ہوگا، صومالیہ میں 13 گھنٹے 27 منٹ، عمان میں 14 گھنٹے 37 منٹ، سعودی عرب میں 14 گھنٹے 41 منٹ اور متحدہ عرب امارات میں بھی 14 گھنٹے 41 منٹ، بحرین میں 14 گھنٹے 49 منٹ، کویت میں 15 گھنٹے 4 منٹ، مصر میں 15 گھنٹے 7 منٹ، فلسطین میں 15 گھنٹے 15 منٹ، اردن میں 15 گھنٹے 17 منٹ، عراق میں 15 گھنٹے 17 منٹ، مراکش میں 15 گھنٹے 25 منٹ، لبنان میں 15 گھنٹے 27 منٹ،

لیبیا میں 15 گھنٹے 31 منٹ اور تیونس میں روزے کا دورانیہ 15 گھنٹے 45 منٹ ہوگا۔عالم اسلام سے باہر ممالک میں آئس لینڈ میں روزے کو دورانیہ اکیس گھنٹے ہوگا، ناروے میں 19 گھنٹے، سوئیڈن میں 18 گھنٹے 56 منٹ، روس میں 18 گھنٹے 29 منٹ، ڈنمارک میں 18 گھنٹے 26 منٹ، برطانیہ میں 18 گھنٹے 9 منٹ، آسٹریلیا میں 11 گھنٹے 59 منٹ، امریکا میں 16 گھنٹے 4 منٹ، بھارت میں 14 گھنٹے 59 منٹ اور ملائیشیا میں 13 گھنٹے 22 منٹ ہوگا۔

یہ بھی دیکھیں

مراکش میں مردہ دوران تکفین زندہ ہو کر بیٹھ گیا

مراکو (مانیٹرنگ دیسک) مراکش میں مردہ دوران تکفین زندہ ہو کر بیٹھ گیا، منظر دیکھ ...