پیر , 9 دسمبر 2019

ڈونلڈ ٹرمپ کو امریکی سلامتی کیلئے خطرہ ہے:ہلیری کلنٹن

maxresdefault1-600x338

واشنگٹن (نامہ نگار) امریکا کے صدارتی انتخابات کے لئے ڈیموکریٹک پارٹی کی ممکنہ امیدوار ہلیری کلنٹن نے ڈونلڈ ٹرمپ کو ملکی سلامتی کے لئے خطرہ قرار دیتے ہوئے کہا کہ ارب پتی تاجر صدر بننے کے اہل نہیں ہیں۔ ہلیری کلنٹن کا کہنا تھا کہ نومبر میں ہونے والے صدارتی انتخابات کے لئے میں ہی ڈیموکریٹک پارٹی کی صدارتی امیدوار ہوں گی کیونکہ برنی سینڈرز کے صدارتی امیدوار بننے کے امکانات نہ ہونے کے برابر ہیں۔ ان کا کہنا تھا کہ ڈونلڈ ٹرمپ کا رپبلکن پارٹی کی جانب سے صدارتی امیدوار منتخب ہونے کے بعد برنی سینڈرز پر دبا ئوہے کہ وہ صدارتی امیدوار بننے کی دوڑ سے دستبردار ہو جائیں لیکن برنی سینڈرز پارٹی کنونشن تک اس دوڑ میں شامل رہنے پر بضد ہیں۔ہلیری کلنٹن کا کہنا تھا کہ ڈونلڈ ٹرمپ نے امریکا میں مسلمانوں کے آنے پر پابندی عائد کرنے کی بات کی، نیٹو سے دور رہنے کا مشورہ دیا اور برطانوی حکومت پر بھی شدید تنقید کی اس لئے وہ امریکی صدر بننے کے اہل نہیں۔ انھوں نے ڈونلڈ ٹرمپ کو خطرہ قرار دیتے ہوئے کہا کہ ریپبلکن امیدوار پر امریکی سلامتی کے حوالے سے بالکل بھی بھروسہ نہیں کیا جا سکتا۔

یہ بھی دیکھیں

بھارت میں زندہ جلائی گئی جنسی تشدد سے متاثرہ لڑکی دم توڑ گئی

اُتر پردیش: بھارت کی ریاست اُتر پردیش میں عدالت جاتے ہوئے جلائی گئی جنسی تشدد …