منگل , 25 ستمبر 2018

پی ٹی آئی نے چوہدری نثار سے سیٹ ایڈجسٹمنٹ کے امکان کو رد کردیا

اسلام آباد (مانیٹرنگ ڈیسک)پاکستان تحریک انصاف (پی ٹی آئی) نے پاکستان مسلم لیگ (ن) کے ناراض رہنما اور سابق وزیرداخلہ چوہدری نثار سے انتخابات میں سیٹ ایڈجسٹمنٹ کے حوالے سے امکان کو رد کردیا۔ پی ٹی آئی کے مرکزی سیکرٹری اطلاعات فواد چوہدری کا کہنا تھا کہ پی ٹی آئی نے پہلے ہی پارٹی کےسینئر نائب صدر غلام سرور خان کوچار میں سے تین نشستوں پر چوہدری نثار کے خلاف باضابطہ امیدوار نامزد کر دیا ہے۔

فواد چوہدری نے سیٹ ایڈجسٹمنٹ کے تاثر کو رد کرتے ہوئے کہا کہ چوہدری نثار نہ تو تحریک انصاف کا حصہ ہیں اور نہ ہی ان سے سیٹ ایڈجسٹمنٹ ہوئی ہے جبکہ وہ پہلے ہی آزاد حیثیت میں الیکشن لڑنے کا اعلان کرچکے ہیں۔

چوہدری نثار کا پی ٹی آئی سے الیکشن میں سیٹ ایڈجسٹمنٹ کا فیصلہ

چوہدری نثار کا پی ٹی آئی سے الیکشن میں سیٹ ایڈجسٹمنٹ کا فیصلہ

Gepostet von Iblagh News am Montag, 18. Juni 2018

خیال رہے کہ پی ٹی آئی کے چیئرمین عمران خان ماضی میں کئی مرتبہ چوہدری نثار کو پی ٹی آئی میں شمولیت کی دعوت دے چکے ہیں لیکن انھوں نے عمران خان کی پیش کش کو نہ تو قبول کیا اور نہ ہی کوئی جواب دیا۔

اس حوالے سے غلام سرور خان کا کہنا تھا کہ انھیں عمران خان نے کہا کہ وہ صرف اس صورت میں دستبردار ہوں جب چوہدری نثار پی ٹی آئی کے ٹکٹ کے لیے درخواست دیں۔ان کا کہنا تھا کہ میں نے پی ٹی آئی کے سربراہ کو کہا تھا کہ وہ چوہدری نثار کے خلاف تمام حلقوں میں کاغذات نامزدگی جمع کرادیں گے۔

غلام سرور خان نے 2013 کے انتخابات میں چوہدری نثار کو ٹیکسلا کی نشست سے شکست دی تھی اور اب ان کا کہنا ہے کہ پی ٹی آئی 25 جولائی کے انتخابات میں چوہدری نثار کے خلاف کلین سوئپ کرے گی۔سابق وزیرداخلہ چوہدری نثار نے دو قومی اور دو صوبائی اسمبلی کی نشستوں کے لیے آزاد حیثیت میں کاغذات نامزدگی جمع کرادیے ہیں۔

یہ بھی دیکھیں

امریکا سے باہمی احترام پر مبنی تعلقات چاہتے ہیں: پاکستان

اسلام آباد (مانیٹرنگ ڈیسک) پاکستان نے کہا ہے کہ امریکا سے باہمی احترام پر مبنی ...