بدھ , 12 دسمبر 2018

پاکستان نے انتہائی باصلاحیت سیاستدان سراج رئیسانی کو کھو دیا، آرمی چیف

راولپنڈی(مانیٹرنگ ڈیسک) پاک فوج کے سپہ سالار جنرل قمر جاوید باجوہ نے مستونگ خود کش دھماکے میں قیمتی جانوں کے ضیاع پر افسوس کا اظہار کرتے ہوئے اس واقعے کی شدید الفاظ میں مذمت کی ہے۔

پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ نے مستونگ دھماکے کی شدید الفاظ میں مذمت کرتے ہوئے کہا کہ پاکستان نے انتہائی باصلاحیت سیاستدان سراج رئیسانی کو کھو دیا۔آرمی چیف نے کہا کہ جمہوری سرگرمیاں سبوتاژ کرنے کی کوششیں کامیاب نہیں ہونگی، ہم تمام دشمن قوتوں کو مل کر شکست دیں گے۔

پاک فوج کے سربراہ جنرل قمر جاوید باجوہ نے مستونگ خود کش حملے میں سراج رئیسانی سمیت تمام جاں بحق افراد کے اہلخانہ سے تعزیت، افسوس اور قیمتی جانوں کے ضیاع پر دکھ کا اظہار بھی کیا۔

یہ بھی دیکھیں

پنجاب میں خاتون خودکش بمبار کے داخلے کی اطلاع پر سیکیورٹی ہائی الرٹ

لاہور(مانیٹرنگ ڈیسک) پنجاب بھر میں دہشت گردی کے خدشے کے پیش نظر سکیورٹی ہائی الرٹ ...