پیر , 18 فروری 2019

جاپان مشکل حالات میں بھی ایران کا ساتھ نہ چھوڑنے کیلئے پُرعزم

ٹوکیو(مانیٹرنگ ڈیسک)جاپان کی بین الاقوامی فرینڈشپ کونسل کے چیئرمین نے کہا ہے کہ جاپان مشکل حالات کے باوجود اسلامی جمہوریہ ایران کا ساتھ نہیں چھوڑے گا بلکہ دونوںممالک کے تعلقات کو مزید فروغ دیا جائے گا۔

جاپان کی بین الاقوامی فرینڈشپ کونسل کے چیئرمین ’’ماٹسوز اوا‘‘ نے ٹوکیو میں تعینات نئے ایرانی سفیرمرتضی رحمانی موحد کے ساتھ ایک ملاقات میں کہا کہ جاپان مشکل حالات کے باوجود اسلامی جمہوریہ ایران کا ساتھ نہیں چھوڑے گا بلکہ دونوںممالک کے تعلقات کو مزید فروغ دیا جائے گا۔انہوں نے کہا کہ اسلامی جمہوریہ ایران جاپان کے لئے نہ صرف ایک دوست بلکہ ایک بھائی ملک ہے۔

ملاقات میں ایرانی سفیررحمانی موحد نے دونوں ممالک کے درمیان دیرینہ تعلقات کا حوالہ دیتے ہوئے کہا کہ ہمیں اُمید ہے کہ یہ کونسل گزشتہ کی طرح دوطرفہ تعلقات کی مزید مضبوطی کے لئے تعمیری کردار ادا کرے گی۔واضح رہے کہ اسلامی جمہوریہ ایران کے نئے سفیر مرتضی رحمانی موحد نے 14 جولائی کو نائب جاپانی وزیر خارجہ تاکہ او آکیبا سے ملاقات کرتے ہوئے اپنی اسناد تقرری پیش کیں۔

یہ بھی دیکھیں

وارسا کانفرنس کے نصیب میں شکست کے سوا کچھ نہیں:ایرانی اسپیکر

تہران (مانیٹرنگ ڈیسک)ایران کی پارلیمنٹ کے اسپیکرنے کہا ہے کہ وارسا کانفرنس کے نصیب میں ...