جمعرات , 18 اکتوبر 2018

کینیڈا کے وزیراعظم نے سعودی عرب سے معافی کے مطالبہ کو رد کردیا

اوٹاوا(مانیٹرنگ ڈیسک)کینیڈا کے وزیراعظم جسٹن ٹروڈو نے سعودی عرب میں انسانی حقوق پر تشویش کے اظہار پر معافی مانگنے کے سعودی عرب کے مطالبے کو رد کردیا ہے۔مونٹریا ل میں پریس کانفرنس کرتے ہوئے کینیڈاکے وزیر اعظم جسٹن ٹروڈو کا کہنا تھا کہ سعودی عرب سے انسانی حقوق کے بارے میں کوئی سمجھوتہ نہیں کریں گے۔

کینیڈین وزیراعظم نے کہا کہ ہمارے وزیر خارجہ کا سعودی عرب سے رابطہ قائم ہے، جس میں حالیہ تنازع پر تفصیلی بات ہوئی ہے ہم سعودی عرب سے سفارتی تعلقات خراب نہیں کرنا چاہتے اور تعلقات جاری رکھیں گے۔ ادھرعرب ذرائع کے مطابق سعودی عرب نے کینیڈا میں زیر علاج سعودی شہریوں کے علاج پر پابندی لگاتے ہوئے اپنے شہریوں کو دوسرے ممالک کے اسپتالوں میں منتقل کرنے کا حکم دیا ہے۔

یہ بھی دیکھیں

سعودی سیکیورٹی ادارے دہائیوں سے شہریوں کو اغواء یا قتل کرنے کے حوالے سے بدنام: سابق سی آئی

واشنگٹن (مانیٹرنگ ڈیسک) امریکی انٹیلی جنس ادارہ سی آئی اے کے سابق چیف جان برینن ...