جمعرات , 16 اگست 2018

آسٹریلیا: داعش سے تعلقات، 5 افراد کی شہریت منسوخ

کینبرا(مانیٹرنگ ڈیسک) آسٹریلیا میں عالمی دہشت گرد تنظیم داعش سے تعلقات کے شبےمیں دہری شہریت کے حامل پانچ افراد کی شہریت منسوخ کردی گئی۔تفصیلات کے مطابق شہریت منسوخ کیے جانے افراد پر داعش سے تعلقات کا الزام ہے جس کے باعث آسٹریلوی حکام نے منسوخی سے متعلق فیصلہ کیا، پانچوں افراد کے پاس دہرے شہریت تھی۔غیر ملکی خبر رساں ادارے کے مطابق مذکورہ پانچوں افراد کی شناخت ظاہر نہیں کی گئ، تاہم حکام کی جانب سے آسٹریلوی شہریت منسوخ کی گئی ہے۔

آسٹریلوی شہریت جن کی منسوخ کی گئی ہے ان میں تین مرد اور دو خواتین شامل ہیں، ان افراد نے داعش کا ساتھ دینے کے لیے شام اور عراق کا سفر بھی کیا تھا۔خیال رہے کہ 2015 میں آسٹریلیا میں قانون میں تبدیلی کے بعد اب تک کل چھ افراد کی شہریت منسوخ کی جا چکی ہے، اور اس پر آگے بھی عمل درآمد کیا جائے گا۔

تبدیل کیے گئے قانون کے تحت ایسے آسٹریلوی شہریوں کی شہریت ختم کی جا سکے گی جو کسی دہشت گرد تنظیم کی معاونت کر رہے ہوں یا اس کے لیے دہشت گردی کی کارروائیوں میں شریک رہے ہوں۔آسٹریلوی حکام کے مطابق اگر کوئی شخص کسی دہشت گرد تنظیم کے لیے کام کرنے کے جرم میں سزا پائےگا تو اس کی آسٹریلوی شہریت خود بخود ختم تصور کی جائے گی۔

یاد رہے کہ آسٹریلیا میں بیرون ملک جا کر لڑنے کی منصوبہ بندی کے شک میں پاسپورٹ ضبط کرنے کا قانون پہلے ہی موجود ہے، اسی قانون کے تحت 100 سے زائد پاسپورٹ قومی سلامتی کی بنیاد پر منسوخ کیے جا چکے ہیں۔

یہ بھی دیکھیں

بھارت کے یوم آزادی پر مقبوضہ کشمیر میں یوم سیاہ

سری نگر(مانیٹرنگ ڈیسک) بھارت کے یوم آزادی پر مقبوضہ کشمیر میں یوم سیاہ منایا جا ...