ہفتہ , 20 اکتوبر 2018

غزہ پر اسرائیلی جارحیت کےخطرناک نتائج برآمد ہوں گے:یو این

مقبوضہ بیت المقدس (مانیٹرنگ ڈیسک)فلسطین کے محصور علاقے غزہ کی پٹی پر اسرائیلی فوج کی تازہ وحشیانہ بمباری کی شدید الفاظ میں مذمت کرتے ہوئے اسرائیل کو خبردار کیا ہے کہ غزہ پر مسلسل فضائی اور زمینی حملوں کے نتیجے میں امن وامان کی صورت حال خطرناک حد تک جا سکتی ہے۔ اقوام متحدہ کے مندوب برائے مشرق وسطیٰ نیکولائے میلادینوف نے نیویارک میں ایک بیان میں کہاکہ غزہ کی پٹی پر اسرائیلی جنگی طیاروں کی بمباری کے خطرناک نتائج سامنے آئیں گے اور پہلے سے ابتر صورت حال مزید گھمبیر ہوجائے گی۔

مسٹر ملادینوف نے مزید کہا کہ غزہ کی پٹی پر اسرائیلی فوج کی تازہ جارحیت اور بمباری باعث تشویش ہے۔ بمباری کےبعد فلسطینی مزاحمت کاروں کی طرف سے جوابی راکٹ حملوں کا بھی خطرہ موجود ہے۔انہوں نے کہا کہ غزہ کی پٹی پہلے ہی سنگین نوعیت کےانسانی بحران سے گذر رہا ہے۔ امن وامان اور سیاسی ابتری کے شکار علاقے میں اسرائیلی فوج کے فضائی حملوں سے محاذ جنگ کی صورت حال مزید بگڑ سکتی ہے۔ انہوں نے فریقین پر جنگ بندی پرقائم رہنے اور کشیدگی کو مزید طول نہ دینے کی پالیسی اپنانے کی ضرورت پر زور دیا ہے۔

خیال رہے کہ آج جمعرات کو علی الصباح غزہ کی پٹی پر اسرائیلی فوج کی وحشیانہ بمباری میں ایک خاتون اور اس کی شیرخوار بچی سمیت تین فلسطینی شہید اور بارہ زخمی ہوگئے تھے۔

یہ بھی دیکھیں

عرب علاقوں پر صیہونی قبضہ علاقے میں بدامنی کی سب سے بڑی وجہ: بشار جعفری

نیویارک (مانیٹرنگ ڈیسک) اقوام متحدہ میں شام کے مستقل مندوب بشار الجعفری نے عرب علاقوں ...