بدھ , 21 اگست 2019

انسٹاگرام اکاﺅنٹ کو ویریفائیڈ بنانے کا آسان طریقہ جانیں

لندن (مانیٹرنگ ڈیسک) انسٹاگرام میں اب تک ویریفائیڈ اکاﺅنٹ کا حصول کافی مشکل تھا کیونکہ اس کا طریقہ کار واضح نہیں تھا اور صرف اہم شخصیات، برانڈز اور سیلیبرٹیز کو ہی بلیوٹک دیا جاتا تھا۔تاہم اب فیس بک کی زیرملکیت فوٹو شیئرنگ ایپ نے ہر ایک کے لیے ویریفائیڈ اکاﺅنٹ کے حصول کو آسان بنادیا ہے۔اس سلسلے میں انسٹاگرام نے دنیا بھر میں ایک فیچر متعارف کرایا ہے جو اس عمل کو آسان بنادے گا۔یہ فیچر سیٹنگز مینیو میں ‘سوئچ ٹو بزنس پروفائل’ نامی آپشن کے نیچے موجود ہے۔اس پر کلک کرنے پر انسٹاگرام کی جانب سے صارف کا،

پورا نام اور حکومتی فوٹو آئی ڈی شناختی ثبوت کے طور پر طلب کی جاتی ہے۔ان تفصیلات کو اپ لوڈ کرنے پر صارف کی درخواست نظرثانی کے لیے کمپنی کے پاس چلی جاتی ہے۔اس فیچر کو متعارف کرانے کا اعلان کچھ عرصے پہلے کیا گیا تھا۔اس موقع پر انسٹا گرام کے ایک ترجمان کا کہنا تھا کہ ہماری برادری کی جانب سے مسلسل اکاﺅنٹ ویریفیکیشن کے حوالے سے زیادہ رسائی اور شفافیت کا مطالبہ کیا جارہا تھا اور ہم نے اسے تسلیم کیا ہے۔اگر یہ فیچر ابھی نظر نہیں آرہا تو کچھ انتظار کرلیں کیونکہ یہ دنیا بھر میں،

منگل سے صارفین کے لیے پیش کرنے کا سلسلہ شروع ہوا ہے۔یہ ابھی دیکھنا ہوگا کہ انسٹاگرام کس حد تک صارفین کو بلیو ٹک کے حصول کا موقع فراہم کرے گی، جس کے صارفین کی تعداد ایک ارب سے تجاوز کرچکی ہے۔خیال رہے کہ ویریفائیڈ اکاﺅنٹ کا سلسلہ سب سے پہلے ٹوئٹر نے 2009 میں شروع کیا تھا جو کہ اہم شخصیات اور برانڈز تک محدود تھا۔

یہ بھی دیکھیں

انسٹاگرام پر جعلی فالوورز کی بہتات

واشنگٹن (مانیٹرنگ ڈیسک)آج کل سوشل میڈیا کی دنیا پر مشہور ہونا بھی لوگوں کے لیے …