ہفتہ , 22 ستمبر 2018

یمن جنگ کے بارے میں پمپیو کے بیان پر امریکیوں کی تنقید

واشنگٹن (مانیٹرنگ ڈیسک)امریکی سینیٹروں اور اراکین کانگریس نے یمن میں سعودی جرائم کی حمایت میں امریکی وزیر خارجہ کے جنگ پسندانہ بیان پر تنقید کی ہے۔المیادین ٹی وی کی رپورٹ کے مطابق امریکی سینیٹر الیزابتھ وارن نے کہا ہے کہ امریکی وزیر خارجہ مائیک پمپیو نے یمن میں سعودی عرب اور اس کے حامیوں کی جنگ پسندی کی حمایت کی ہے۔

انھوں نے کہا کہ ٹرمپ حکومت تمام حقائق سے واقف ہے مگر پھر بھی وہ اس اتحاد کی حمایت جاری رکھے ہوئے ہے جو یمن کے اسکولی بچوں پر امریکی بم برسا رہا ہے۔مائیک پمپیو نے کہا ہے کہ امریکہ، جنگ یمن میں سعودی عرب کی فوجی حمایت کرتا رہے گا۔

امریکی کانکریس میں ڈیموکریٹ رکن روخانا کے ساتھ ساتھ ایک اور امریکی رکن کانگریس جاسٹین اماش نے بھی سعودی اتحاد کے لئے امریکی حمایت کو تنقید کا نشانہ بنایا ہے۔واضح رہے کہ سعودی اتحاد یمنی عوام کے خلاف جنگ میں مغربی ملکوں خاص طور سے امریکہ اور برطانیہ کے ہتھیاروں سے عام شہریوں منجملہ خواتین اور بچوں کو وحشیانہ جارحیت کا نشانہ بناتا رہا ہے اور اس کی اس جارحیت کا سلسلہ بدستور جاری ہے۔

یہ بھی دیکھیں

بھارت میں ایک ساتھ 3 طلاقوں کو قابلِ سزا جرم قرار دینے کا آرڈیننس منظور

نئی دہلی(مانیٹرنگ ڈیسک) بھارتی کابینہ نے ایک وقت میں تین طلاقیں دینےکے عمل کو قابلِ ...