پیر , 17 دسمبر 2018

ٹرمپ کی حمایت کریں یا پھر عہدے چھوڑ دیں: امریکی حکومت

واشنگٹن (مانیٹرنگ ڈیسک) امریکی وزیرخارجہ مائیک پومپیو نے کہا ہے کہ حکومت میں شامل عہدیدار یا تو صدر ٹرمپ کی حمایت کریں یا اپنے عہدے چھوڑیں۔

امریکی وزیرخارجہ کا یہ بیان ایک ایسے موقع پر سامنے آیا ہے، جب امریکی میڈیا میں یہ خبریں گرم ہیں کہ محکمہ انصاف کے ایک اعلیٰ عہدیدار نے صدر ٹرمپ کی ذہنی صحت کے تناظر میں ان کی صدارت ختم کرنے کے موضوع پر بات چیت کی ہے۔

امریکی اخبار نیویارک ٹائمز نے اپنی ایک رپورٹ میں کہا تھا کہ نائب اٹارنی جنرل روڈ روزن اسٹائن نے خفیہ طور پر صدر ٹرمپ کی ریکارڈنگ کرنے اور امریکی دستور کی 25 ویں ترمیم کے تحت صدر کو عہدے کے لیے نااہل قرار دینے سے متعلق بات چیت کی تھی،جس کے بعد امریکی وزیرخارجہ مائیک پومپیو نے کہا ہے کہ حکومت میں شامل عہدیدار یا تو صدر ٹرمپ کی حمایت کریں یا اپنے عہدے چھوڑیں۔

واضح رہے کہ امریکہ سمیت دنیا کے ممالک میں ٹرمپ کے غیر قانونی اور غیر منطقی اقدامات کے خلاف مظاہرے ہوئے اور ٹرمپ کو مشورہ دیا گیا کہ یا تووہ عہدہ چھوڑ دیں یا پھر اپنا ذہنی علاج کرائیں۔

یہ بھی دیکھیں

جمال خشوگی کے قتل کی تحقیقات سے پیچھے نہیں ہٹیں گے۔ترکی

دوحہ(مانیٹرنگ ڈیسک) ترکی نے جمال خشوگی کے قتل کی تحقیقات سے پیچھے ہٹنے سے انکار ...