بدھ , 21 نومبر 2018

ایرانی سرحدی محافظین اغواء: بریگیڈیر پاکپور پاکستان کے دورے پر پہنچ گئے

اسلام آباد (مانیٹرنگ ڈیسک) سپاہ پاسداران انقلاب اسلامی کی بری فوج کے کمانڈر بریگیڈیر پاکپور اغوا شدہ ایرانی سرحدی محافظین کو رہا کرانے کی کوششوں کے تحت پاکستان کے دورے پر گئے ہیں۔

سپاہ نیوز کے مطابق سپاہ پاسداران انقلاب اسلامی کے ترجمان رمضان شریف نے اس خبر کا اعلان اور عالمی استکبار سے وابستہ دہشت گرد عناصر کے ہاتھوں اغوا ہونے والے ایرانی سرحدی محافظین کی رہائی کے لئے ایران کی سپاہ پاسداران انقلاب اسلامی کی کوششوں کی طرف اشارہ کرتے ہوئے کہا کہ اغوا کے اس واقعے کے فورا بعد سے ہی سپاہ پاسداران انقلاب اسلامی کی جانب سے ایرانی سرحدی محافظین کو رہا کرانے کی کوششیں شروع ہو گئی تھیں۔

بریگیڈیر رمضان شریف نے کہا کہ ان کوششوں کے تحت پیر کے روز سپاہ پاسداران انقلاب اسلامی کے کمانڈر انچیف میجر جنرل جعفری نے سپاہ کی بری فوج کے کمانڈر کو ایک وفد کے ساتھ پاکستان روانہ کیا تا کہ اغوا شدہ ایرانی سرحدی محافظین کی رہائی کی کوششوں کو آگے بڑھایا جا سکے۔ انھوں نے کہا کہ اس دورے میں اغوا شدہ ایرانی سرحدی محافظین کی رہائی کی کوششوں کے علاوہ دہشت گردی کے خلاف ٹھوس اور مشترکہ اقدامات کے سلسلے میں بھی گفتگو ہو گی۔ تا کہ دونوں ملکوں کی مشترکہ سرحدوں پر سیکورٹی کو یقینی بنایا جا سکے-

واضح رہے کہ پندرہ اکتوبر کی رات ایران کی میرجاوہ سرحد سے دہشت گرد عناصر نے پاکستان کی سرحد سے داخل ہو کر بارہ ایرانی سیکورٹی اہلکاروں کو اغوا کر کے پاکستان منتقل کر دیا۔

یہ بھی دیکھیں

رواں سال اسرائیلی فوج کے ہاتھوں 908 فلسطینی بچے زیر حراست

مقبوضہ بیت المقدس (مانیٹرنگ ڈیسک)قابض اسرائیلی فوج نے سنہ 2018ء کے شروع سے اب تک ...