جمعرات , 21 فروری 2019

ویمنز ورلڈ ٹی ٹوئنٹی میں پاکستان کی پہلی فتح، 3 ریکارڈز ٹوٹ گئے

دبئی (مانیٹرنگ ڈیسک)ویمنز ٹی ٹوئنٹی میں گرین شرٹس نے اس فارمیٹ میں اپنا سب سے بڑا مجموعہ 139 حاصل کیا آئرلینڈ کے خلاف میچ میں جویریہ خان ملک سب سے بڑی انفرادی اننگز کھیلتے ہوئے 74 پر ناقابل شکست رہیں۔پاکستانی ویمنز ٹیم کی کھلاڑی نشرح سندھو نے 4 اوورز میں صرف 8 رنز دے کر 2 شکار کئے جو ملک کے لئے کفایتی بولنگ کا ایک ریکارڈ ہے۔ جویریہ خان کا 9 پر کیچ ڈراپ ہوا جس کا بھرپور فائدہ اٹھاتے ہوئے کپتان نے جارحانہ انداز اختیار کیا اور تمام بولرز کی درگت بنائی، گرین شرٹس نے اگلے 12 اوورز میں 110 رنز بناتے ہوئے ٹوٹل 6 وکٹ پر 139 تک پہنچا دیا۔

جویریہ خان 74 پر ناٹ آوٹ رہیں، عائشہ ظفر نے 21 رنز بنائے۔ آئرش ٹیم 9 وکٹ پر 101 رنز بنا سکی، نشرح سندھو اور عالیہ ریاض نے 2،2 شکار کئے۔ پاکستان 38 رنز سے سرخرو ہوا، آسٹریلیا اور بھارت کے ہاتھوں شکستوں کے بعد میگا ایونٹ میں گرین شرٹس کی یہ پہلی کامیابی ہے۔

یہ بھی دیکھیں

پی ایس ایل کے پاکستان میچز کا کم سے کم ٹکٹ 500 روپے رکھنے کا فیصلہ

لاہور(مانیٹرنگ ڈیسک) ‏پاکستان سپر لیگ فور کے پاکستان میں ہونے والے میچز کا کم سے ...