جمعہ , 24 مئی 2019

غزہ کی کشیدہ صورتحال پر سلامتی کونسل کا اجلاس آج ہوگا

مقبوضہ بیت القدس (مانیٹرنگ ڈیسک) غزہ کی پٹی پر اسرائیلی جارحیت کے بعد حالات انتہائی کشیدہ ہو گئے ہیں۔غزہ میں اسرائیلی حملوں کے بعد کشیدہ صورتحال پر غور کے لیے اقوام متحدہ کی سلامتی کونسل کا اجلاس آج بند کمرے میں ہوگا۔اجلاس کویت اور بولیویا کی درخواست پر طلب کیا گیا ہے جس میں غزہ کی صورتحال پر اراکین سے تبادلہ خیال کیا جائے گا۔

واضح رہے کہ غزہ میں 48 گھنٹوں کے دوران اسرائیلی حملوں میں 14 فلسطینی شہید اور 30 سے زائد زخمی ہوئے ہیں۔صیہونی حکومت نے اتوار کی رات سے غزہ پر اپنے حملوں اور جارحیت کا نیا دور شروع کیا ہے۔ یہ ایسی حالت میں ہے کہ غزہ پر صیہونی حکومت کی بمباری کا سلسلہ بدستور جاری ہے۔صیہونی حکومت غزہ پر پچھلے اتوار سے اب تک چھے رہائشی مکانات، الاقصی ٹیلی ویژن چینل کی عمارت اور الامل ہوٹل، الرحمہ کمپلیکس اور رفح میں رہائشی مکانات کو نشانہ بنا چکی ہے۔

یہ بھی دیکھیں

ذرا سی غلطی پورے خطے کے لیے خطرناک ہو گی، عمانی وزیر خارجہ

عمان (مانیٹرنگ ڈیسک)عمان کے وزیر خارجہ نے ایران امریکہ کشیدکی اور حساب کتاب کی ذرا …