بدھ , 3 جون 2020
تازہ ترین

فلسطینی پناہ گزینوں کے لیے 4 کروڑ 21 لاکھ ڈالر کی کویتی امداد

کویت سٹی (مانیٹرنگ ڈیسک)خلیجی ریاست کویت نے فلسطینی پناہ گزینوں کی ریلیف ایجنسی "یو این آر ڈبلیو اے” کو تنظیم کی خدمات کے تسلسل کے لیے 4 کروڑ 21 لاکھ ڈالر کی امداد کا اعلان کیا ہے۔کویت کی سرکاری نیوز ایجنسی کے مطابق کویت کے عرب لیگ میں مندوب نے بتایا کہ ان کے ملک نے فلسطینی پنا گزینوں کے لیے 4 کروڑ 21 لاکھ ڈالر کی امداد فراہم کرنے کا اعلان کیا ہے۔ ان کا کہنا تھا کہ کویت کی طرف سے دی جانے والی امداد "اونروا” کے آپریشنل منصوبوں کو آگے بڑھانے میں مدد فراہم کرے گی۔

خیال رہے کہ رواں سال کے دوران امریکا نے فلسطینی پناہ گزینوں‌کی ریلیف ایجنسی کو دی جانے والی امداد بند کرنے کا اعلان کیا ہے۔کویت فلسطینی پناہ گزینوں کو امداد دینے والا اہم ملک ہے۔ رواں سال مارچ میں کویت نے فلسطینی پناہ گزینوں کے لیے 80 ملین ڈالر کی امداد کا اعلان کیا تھا۔

یہ بھی دیکھیں

امام خمینی نے فلسطینی استقامت کے جسم میں روح پھونکی: اسماعیل ہنیہ

تحریک حماس کے سربراہ اسماعیل ہنیہ نے کہا ہے کہ صیہونیوں کی سازشوں کا مقابلہ …