ہفتہ , 19 ستمبر 2020

دہشت گرد گروہ بوکو حرام نے نائیجر کے سرحدی شہر بوسو پر قبضہ کرلیا

1943274_Page__2

نائیجر (مانیٹرنگ ڈیسک) دہشت گرد گروہ بوکوحرام کے عناصر نے پیر کے دن نائیجر کے سرحدی شہر بوسو پر ایک بار پھر قبضہ کر لیا ہے۔ذرائع نے نائیجر کے ایک فوجی ذریعے کے حوالے سے رپورٹ دی ہے کہ بوسو شہر کے باشندے بوکوحرام کے خوف کے مارے اپنے گھروں سے فرار ہونے پر مجبور ہوگئے ہیں۔ واضح رہے کہ بوسو شہر نائیجیریا کی سرحد کے قریب واقع ہے۔نائیجر کی وزارت دفاع نے اس سے قبل ایک بیان جاری کرکے اعلان کیا تھا کہ جمعے کی رات بوسو شہر پر بوکو حرام کے حملے میں نائیجر کے تیس اور نائیجیریا کے دو فوجی مارے گئے تھے۔ اس حملے میں اڑسٹھ افراد زخمی بھی ہوئے تھے۔بوسو شہر سے تعلق رکھنے والے سابق رکن پارلیمنٹ الحاج ابوبکر نے کہا ہےکہ بوکو حرام نے اس حملے میں بوسو شہر کو بہت زیادہ نقصان پہنچایا ہے اور اس شہر میں بہت لوٹ مار کی ہے۔واضح رہے کہ دہشت گرد گروہ بوکو حرام نے فروری سنہ دو ہزار پندرہ سے اپنی دہشت گردانہ کارروائیوں کا دائرہ نائیجیریا سے نائیجر کے جنوب مشرقی علاقوں تک بڑھا دیا ہے۔ یہ دہشت گرد عموما نائیجیریا میں موجود اپنے ٹھکانوں سے نائیجر کی سرزمین میں داخل ہو کر وہاں حملے کرتا ہے۔

یہ بھی دیکھیں

سامرا، حشد الشعبی کے حملے میں چار داعشی ہلاک

بغداد: عراق کی سکیورٹی انفارمیشن آفس کی رپورٹ کے مطابق عراق کے صوبے صلاح الدین …