جمعرات , 15 اپریل 2021

اسرائیل کی عرب ملکوں سے اڑھائی کھرب ڈالر مانگنے کی تیاری

یروشلم (مانیٹرنگ ڈیسک)اسرائیل کے عبرانی ذرائع ابلاغ نےا نکشاف کیا ہے کہ حکومت عرب ممالک سے یہودیوں کی متروک املاک اور جائیدادوں کا معاوضہ طلب کرنے کی تیاری شروع کی ہے۔اسرائیل کا دعویٰ ہے کہ صہیونی ریاست کےقیام کے بعد عرب ملکوں سے یہودی اپنی جائیدادیں چھوڑ کر اسرائیل میں آباد ہوئے اور ان کی املاک پر وہاں کی حکومتوں نے قبضہ کرلیا تھا۔

عبرانی ٹی وی چینل 2 کی رپورٹ میں بتایا گیا ہے کہ حکومت جلد ہی عرب ممالک سے یہودیوں کی متروکہ جائیدادوں کامعاوضہ مانگے گی۔ اسرائیل کا دعویٰ ہے کہ یہودی عرب ممالک میں 50 ارب ڈالر کی جائیدادیں چھوڑ کر آئے تھے اور اب ان کی مالیت اڑھائی کھرب ڈالر تک جا پہنچی ہے۔

عبرانی ٹی وی چینل کے مطابق امریکا کی طرف سےفلسطینیوں اور اسرائیل کے درمیان امن منصوبے”صدی کی ڈیل” میں اسرائیل کو عرب ممالک سے یہودیوں کی املاک کا معاوضہ دلوانا بھی شامل ہے۔

صہیونی حکومت کا کہنا ہے کہ لیبیا اور تیونس میں یہودی 50 ارب ڈالر کی جائیدادیں چھوڑ کرآئے جب کہ دیگر عرب ممالک سے آنے والے یہودیوں کی رہ جانے والی جائیدادوں کی مالیت 2 کھرب 50 ارب ڈالر سے زیادہ ہے۔

عبرانی ٹی وی چینل کے مطابق گذشتہ ڈیڑھ سال کے دوران مراکش، عراق، شام، مصر، یمن ایران سمیت دوسرے ملکوں میں موجود یہودیوں کی جائیدادوں کا جائزہ لیا گیا اور ان کی مالیت معلوم کی گئی۔

سنہ 2010ء میں اسرائیلی کنیسٹ نے ایک بل منظور کیا تھا جس میں کہا گیا تھا کہ عرب ممالک کے ساتھ امن مذاکرات میں یہودیوں کی متروکہ جائیدادوں کی قیمت ادا کرنے پر بھی بات چیت کی جائے۔

خیال رہے کہ یمن سے قریبا 50 ہزار یہودی 425 پروازوں کے ذریعے صہیونی ریاست منتقل کیے گئے۔ عراق سے ایک لاکھ 13 ہزار یہودیوں کو عراق منتقل کیاگیا۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …