منگل , 13 اپریل 2021

اینٹی ایران کانفرنس :علاقائی سلامتی پر منفی اثرات مرتب ہوں گے: روس

نیویارک (مانیٹرنگ ڈیسک)اقوام متحدہ میں تعینات روس کے مستقل مندوب نے کہا ہے کہ وارسا کانفرنس ایک ایران مخالف اجلاس ہے جس سے علاقائی امن و سلامتی پر منفی اثرات مرتب ہوں گےاقوام متحدہ میں تعینات روس کے مستقل مندوب وسیلی نیبینزیا نے ارنا سے گفتگو کرتے ہوئے کہا کہ روس وارسا کانفرس میں شریک نہیں ہوگا اور اس حوالے سے اقوام متحدہ کی سلامتی کونسل کو بھی اطلاع دے دی گئی.

انہوں نےکہا کہ اس اجلاس کے اصل مقاصد واضح ہیں، ہم نے بعض سفارتکاروں سے یہ بھی سنا ہے کہ وہ اس اجلاس میں شرکت کرنے پر مجبور ہیں.روسی مندوب نے کہا کہ ایران خطے کا ایک اہم اور بڑا ملک ہے جبکہ وارسا کانفرنس کے مقاصد جانبدارانہ لگتے ہیں.ان کا کہنا تھا کہ خطے کے امن و سلامتی کا قیام مسئلہ فلسطین کے حل کے بغیر ناممکن ہے لہذا علاقائی ممالک اسے اپنی پالیسی میں ترجیح دیں.

وسیلی نیبینزیا نے کہا کہ ہم سمجھتے ہیں کہ امن و سلامتی کے لئے چندفریقی تعاون اور عالمی کوششیں ناگزیر ہیں.یاد رہے کہ امریکہ مشرق وسطی میں امن و سلامتی کے نام نہاد موضوع پر ایران کے معاملے پر ایک بین الاقوامی کانفرنس کی میزبانی کرنے کا منصوبہ بنا رہا ہے. امریکی وزیر خارجہ مائیک پومپیو کے مطابق یہ کانفرنس آئندہ ماہ 13 فروری کو پولینڈ میں ہو گی.

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …