ہفتہ , 17 اپریل 2021

روسی بمبار طیارہ لینڈنگ کے دوران تباہ، عملہ کے 3 ارکان ہلاک

ماسکو(مانیٹرنگ ڈیسک) روسی ایئر فورس کا سپر سونک بمبار طیارہ لینڈنگ کے دوران حادثے کا شکار ہو گیا جس کے نتیجے میں عملے کے 3 ارکان ہلاک ہوگئے۔بین الاقوامی خبر رساں ادارے کے مطابق روس کا بمبار طیارہ Tu-22M3 مانسک کے ایئرپورٹ پر لینڈنگ کی کوشش کے دوران توازن برقرار نہ رکھ سکا اور حادثے کا شکار ہوگیا جس کے نتیجے میں عملے کے 3 ارکان ہلاک ہوگئے۔

روسی وزارت دفاع کی جانب سے جاری بیان میں کہا گیا ہے کہ بمبار طیارہ آرٹیک کے علاقے میں گشت کے بعد واپس لوٹ رہا تھا جب کہ شدید سرد موسم کے باعث حد نگاہ انتہائی کم تھی جو حادثے کی وجہ بنی۔وزارت دفاع کے مطابق لینڈنگ کے دوران زمین کے ساتھ لگتے ہی طیارے کا توازن بگڑ گیا اور طیارے کا اگلا حصہ ٹوٹ کر الگ ہو گیا جس کے بعد طیارے میں آگ بھڑک اُٹھی اور طیارہ جل کر راکھ کا ڈھیر بن گیا۔

  • روس کے وزارت دفاع نے حادثے کی تحقیقات کے لیے تحقیقاتی ٹیم تشکیل دیدی ہے جو حادثے کی وجوہات اور ذمہ داروں کا تعین کرکے اپنی رپورٹ پیش کرے گی جس کی روشنی میں تادیبی کارروائی عمل میں لائی جائے گی۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …