جمعہ , 23 اپریل 2021

ایران ہی فلسطین کا سب سے بڑا حامی ہے، جہاد اسلامی فلسطین

مقبوضہ بیت المقدس (مانیٹرنگ ڈیسک)جہاد اسلامی فلسطین کے سربراہ نے ایران کو فلسطینی کا سب سے بڑا حامی قرار دیا ہے۔فلسطینی ذرائع کے مطابق باحث ریسرچ انسٹی ٹیوٹ سے خطاب کرتے ہوئے جہاد اسلامی فلسطین کے سربراہ زیاد النخّالہ کا کہنا تھا کہ اسلامی جمہوریہ ایران ہی فلسطین کی حمایت کرنے والا واحد ملک ہے اور امریکہ اور دیگر ملکوں کی پابندیوں کی شکل میں فلسطین کی حمایت کا تاوان بھی ادا کر رہا ہے۔

انہوں نے یہ بات زور دے کر کہی کہ اسرائیل کے قیام سے لیکر آج تک مغربی ممالک اسے خطے کا حصہ بنانے کی ناکام کوشش کر رہے ہیں۔زیاد النخّالہ نے کہا کہ شام اور تحریک مزاحمت کے خلاف حملوں میں بعض عرب ملکوں کا گٹھ جوڑ کسی سے ڈھکا چھپا نہیں ہے۔

انہوں نے کہا کہ بعض عرب ممالک اسرائیلی سازشوں میں برابر کے شریک ہیں اور اس کے ساتھ تعلقات کا کھل کر اظہار بھی کر رہے ہیں۔جہاد اسلامی کے سربراہ نے کہا کہ واپسی مارچ فلسطینیوں کا حتمی ہدف نہیں بلکہ غاصبانہ قبضے کے خلاف عوامی خدمت کا ذریعے ہے۔ زیاد النخّالہ نے مزید کہا کہ فلسطین کی آزادی کے لیے مزاحمت ہی واحد راستہ ہے۔

یہ بھی دیکھیں

ایرانی عوام کے خلاف پابندیوں سے امریکہ کو کوئی فائدہ نہیں پہنچے گا، مجید تخت روانچی

اقوام متحدہ میں ایران کے مستقل مندوب نے جوہر معاہدے سے متعلق امریکی وزیر خارجہ …