بدھ , 22 مئی 2019

سابق وزیراعظم شاہد خاقان عباسی کی نیب آفس طلبی

اسلام آباد(مانیٹرنگ ڈیسک) نیب راولپنڈی نے سابق وزیراعظم شاہد خاقان عباسی کو طلب کر لیا۔قومی احتساب بیوریو (نیب) راولپنڈی نے سابق وزیراعظم شاہد خاقان عباسی کو طلب کرلیا، شاہد خاقان عباسی کو ایل این جی کیس میں تفتیش کے لیے طلب کیا گیا ہے، نیب نے شاہد خاقان عباسی کو جمعہ کی صبح 11 بجے راولپنڈی آفس میں پیش ہونے کا حکم دیا ہے۔

واضح رہے کہ گزشتہ سال چیئرمین نیب جاوید اقبال کی زیر صدارت اجلاس ہوا جس میں سابق وزرائے اعظم نواز شریف اور شاہد خاقان عباسی کے خلاف بدعنوانی اور اختیارات کے ناجائز استعمال کے الزامات کی تحقیقات کی منظوری دی گئی۔

نیب کے مطابق شاہد خاقان عباسی کے خلاف ایل این جی ٹرمینل کا ٹھیکہ قواعد و ضوابط کے خلاف دینے کے الزام میں تحقیقات شروع کردی گئی ہیں، شاہد خاقان نے من پسند کمپنی کو 15 سال کا ٹھیکہ خلاف ضابطہ دیا جس سے قومی خزانے کو مبینہ طور پر اربوں روپے کا نقصان پہنچا۔

یہ بھی دیکھیں

فرشتہ قتل کیس: غفلت کے مرتکب پولیس اہلکاروں کے خلاف مقدمہ درج

اسلام آباد(مانیٹرنگ ڈیسک)وفاقی دارالحکومت کے علاقے شہزاد ٹاؤن میں 10 سالہ لڑکی فرشتہ کے اغوا، …